港女驚悉男友曾經召妓　踢爆後死口唔認　崩潰大呻：佢好嘔心！

與男朋友一直好恩愛

港女與男朋友拍拖4年，一直好恩愛，平時男友亦很愛錫事主，她更大讚男友是比自己更關心自己的溫柔大暖男。不過早前事主在男友屋企用他的電話，「咁啱滑錯咗去最咗嗰頁siri suggestion，見到排第一竟然係Telegram(tg)， 我平時完全冇見過佢用tg，所以好奇㩒咗入去睇，一睇個腦瞬間空白咗，啲對話全部係啲18+嘅group，最底仲要有幾個icon超暴露嘅女仔」。

驚悉男友有召妓習慣

事主看到男友的訊息十分震驚，「我嗰吓個人真係震緊，feel到自己心跳好快 ，再㩒入去見到佢hi人，之後對方就會問佢咩名幾歲，返緊咩工」，男友的回覆仲要有錫錫的emoji，有女仔會直接提供發生親密行為的價錢表，而男友亦有回覆4個女仔。

事主覺得男友好嘔心

事主第一反應係嬲，覺得男友好嘔心，表示好崩潰和接受不到男友召妓，不過事主覺得要問清楚男友點解要召妓。「佢跪晒喺度同我講對唔住，佢真係冇去，之後喊得仲勁過我，話佢發誓自己係一時衝動先睇呢啲，真係冇去到冇叫過，叫我信佢唔好走，話唔可以冇咗我，嗰啲女仔嘅chat係沉底嘅，最近都係一啲淫group」。

事主選擇相信男友

事主最後選擇相信男友，「我話其實佢有性需要一定係同我講先，要叫雞唔該直接同我分手，佢繼續喊住話嗰吓係唔想同我講佢想要，因為驚我唔知會點睇佢，控制唔到用下面諗嘢先會search呢啲嘢」，事主表示與男友相處已久，相信男友這個理由，但事主最介意男友當初講很珍惜她的第一次，轉頭想將第一次畀另一個，「佢就驚我知道佢性慾強會嫌佢，我就覺得佢毫無邏輯可言但又信佢，真係唔知我地兩個邊個傻」。

心入面仍然有刺

男友其後沒有再用tg，「講多咗dirty talk，有直接咗，我仲好愛佢，都信佢好愛我，既然揀咗信佢，自己都唔想再因為嗰次而唔開心或撩交嗌」，不過事主坦言口裏說相信男友，心入面仍然有刺，經常胡思亂想男友會受不住誘惑，遲早出事，事主亦不想猜度，「諗起唔開心失眠嘅時候都會自己喊完就算，有時又會諗一段咁嘅感情係咪好唔健康，話信佢都係自己夾硬說服自己應該信佢，唔係打從心底有份安心嘅信任」。

網民：永遠會成為陰影

不少網民紛紛討論留言，如果樓主覺得心裏有刺，放不低男友有召妓的事就永遠有條刺，永遠會成為陰影，「因為你一日覺得呢個行為污糟，你一世都會咁覺得，至少我擺脫唔到以前嘅陰影，類似經驗不過唔係叫雞，但係時間可以令感覺冇咁強烈，但都會永遠記得」。

網民：有啲女仔覺得睇片都已經係出軌

亦有網民覺得樓主不需要分手，「講真十個男人我深信七至八個都有18+谷收埋，通常 for 自己 DIY 用，只係收得幾埋。 而去到問 ptgf 價又會真係出，make deal 既又係十個大概得一個，因為就算幾千蚊一次對一般男仔嚟講都好貴呀，仲要超多陷阱又Agent 又剩，好多時男仔問完興奮下幻想下就算。 有啲女仔覺得睇片都已經係出軌 , 有啲女仔覺得同其它女仔傾埋啲親密對話，哪怕你知道佢從來唔認識果個人，都算係， 所以都係睇你條界點定」。

資料來源：Dcard