《東張》女神梁敏巧自貼圓碌碌少女照 自揭身形缺陷 全靠一招育成42吋長腿

梁敏巧自揭黑歷史

梁敏巧（Maggie）2019年參加《香港小姐競選》時，已經擁有驕人身材，之後擔任《東張西望》外景主持亦因為經常穿緊身衫而出位。近日她在社交網上載自己少女時期的舊照，表示以前的她身形唔fit，亦有少少X型腳，梁敏巧仲分享自己的減肥飲食餐單，教大家如何才能擁有42吋長腿。

梁敏巧靠拉筋拉長雙腳

梁敏巧唔止po判若兩人的舊照，仲留言：「再爆多個秘密你知，其實我有落苦功！唔睇返啲舊相唔覺，原來我細個有少少X腳，幾年前開始間唔時拉下筋，但從來都無特別留意自己腳型，自從開始做瑜伽之後就日日幾乎都有拉筋，慢慢發現腳型開始直咗！同埋線條柔和咗，睇落修長很多！」

一套五組動作 早晚各一次 練成長腿：

「記住呢套同動作一日做兩次，最好起身同瞓覺前，除咗第4同第5個動作之外，其他動作可以喺床同梳發做，睇緊電視可以做！得閒無事都做！我就係得閒無事就做，拉拉下就見到效果！加油！世上無醜女人！我都得大家都得！」

1. 左腳搭右腳，腰部伸直向前推，感受臀部拉伸，維持1分鐘，每邊3次。

2. 雙腿打開，腳指向天，上身側彎，手捉住腳掌，感受到側腰及大腿後側伸展，維持30秒，每邊做6次。

3. 活動髖部，腳掌合實，腰部挺直，不斷上下搖擺1分鐘，做3次。

4. 後腳伸直，臀部向前推再向下推，腰部挺直及雙手伸直，腰向後拗，感受到髖部打開，拉伸大腿後側，維持1分鐘，做3次，左右如是。

5. 維持上一個動作，雙手撐地，右後腳曲起，左手捉住後腳，感受到髖部打開、拉伸大腿前側，維持1分鐘，做3次，左右如是。

梁敏巧開設個人YouTube頻道狂派福利

2019年參選香港小姐的梁敏巧（Maggie），上年7月加入《東張西望》後被派做外景主持，集集出動貼身衫突顯火辣身材的梁敏巧好快受到網民的關注，26歲，5呎7吋高，32C、23、34的梁敏巧經常在社交網大派福利，被封為新一代「東張女神」。最近佢喺YouTube開設個人頻道，同粉絲增加互動，大玩你問我答！梁敏巧表示好多都係男粉絲的關係，所以就邀請咗佢男性朋友Jetso嚟代粉絲講出問題，問題大都非常敏感刁鑽，不過絕對難唔到梁敏巧，佢仲非常大方答晒！

梁敏巧大講性事唔迴避

梁敏巧一開始就被問「會唔會考慮影尺度大啲嘅相」，梁敏巧直言唔單止可以影「尺度大啲」，全裸都無問題！不過佢就話最重要係睇件事「cheap唔cheap」，只考慮基於藝術成份的相。後來有粉絲大膽問梁敏巧最喜歡咩體位？佢即埸搵咗隻公仔做示範，雖然因為怕黃標而打咗格，但個答案竟然係「金雞獨立」，都幾特別！

「5億駙馬」黎諾懿係幻想對象

跟住再被追擊問「搞過幾次嘢？」梁敏巧表示點會記得：「你要我數就真係唔知點數，你唔會搵本簿Mark低嘛！」不過男朋友就只有3個。後來被問到最想同邊個男藝人拍床戲，梁敏巧的答案竟然係「胡楓叔叔」，Jetso當堂聽到都呆一呆，問梁敏巧係咪想搵啲比較有經驗的男藝人？梁敏巧就補充床上面可以捉吓棋、傾吓計，好多嘢可以做，被Jetso即讚轉數快！後來Jetso繼續追問落去，答案竟然係「5億駙馬」黎諾懿，梁敏巧仲表示係佢嘅幻想對象，因為黎諾懿予人感覺好溫柔，估唔到梁敏巧咁大方答晒粉絲啲難題！

網民：竟然咁大膽！

唔少網民睇完都畀好評，認為梁敏巧的答案相當大膽敢言，又指對呢啲敏感話題，大部分藝人都會落閘或者大耍太極。網民亦都表示對梁敏巧了解多咗，覺得佢為人好真，唔造作，大大加分，睇嚟梁敏巧今次玩你問我答非常成功！

梁敏巧靚相：

想了解更多睇片啦！

點擊下圖逐格睇梁敏巧靚相