送外賣驚見女友出現陌生男人家疑過完夜　攤牌時竟反客為主：超厚面皮

事主做送外賣賺錢

早前有男網友在討論區大呻女友派帽事件，事主表示自己因為屋企問題，放學後會打工，做PT、補習、送外賣等，「之前送外賣都揾到20K一個月，以學生嚟講我覺得搵得算唔錯，所以一直keep住做」，但女友曾表示不想事主做送外賣，除了少了時間陪她，亦覺得男友讀大學竟然去送外賣不夠得體，「 當然佢可能都係care我喺佢啲姊妹面前嘅形象啦」。

女友不喜歡男友做送外賣

事主其後一直有繼續送外賣，不過因為知女友不喜歡，所以沒有特別向女友交待返咩工，只會交待返補習。有一日事主如常接order送外賣，送到去一棟屋苑，㩒門鐘等了約30秒，一聽到開門聲事主就大聲說「外賣 」，怎料事主竟然驚見是女友開門。

送外賣驚見女友在陌生男人屋企

事主見到女友化淡妝，穿著一套短袖睡衣和拖鞋，其間更隱約聽到有個男人聲。事主感到十分意外，「望住佢呢身打扮，連我自己都懷疑係咪佢，我同佢對望定咗幾秒，confirmed，隨即佢就係我手上拎咗個外賣，然後閂咗門，得返我一個人呆企喺到，嗰刻我成個腦都空白咗」。

女友一句話成分手導火線

事主冷靜過後就詢問女友在那裏，「因為原本嗰日佢同我講話約咗班fd去其中一個人屋企玩，佢話喺朋友屋企，然後我就直接問佢啱啱嗰個係咪你嚟，我問之前喺個腦到想像咗幾個佢會回答嘅答案，但佢竟然第一句問我，點解你仲做緊外賣，我覺得我哋已經唔喺同一個頻率講嘢，所以後來我直接block咗佢，連解釋嘅機會都無俾佢。」

網民大讚事主做得好

不少網民紛紛留言，大讚事主做得好，早走早著！「綠到一個點，可能係SP/FWB？」、「係緣分呀，不過係孽緣，早啲睇清都好呀，加油brother」、「你女朋友會唔會太膚淺，讀大學仲可以出去搵錢其實好叻」、「先唔講係咪帽咗，狗眼看人低已經係死症」、「飛得快，好世界，樓主除帽都型過人」、「條女都係做緊外賣啫！飛得快，好世界」、「有時啲嘢冥冥之中自有安排，係要撞見阻都阻唔到」、「唔怪得嫌你送外賣啦，佢外賣仲高價過你」、「其實做外賣閒閒哋月入都高過一般文職，為咗臉子同錢過唔去？唔好咁癲啦」。

資料來源：Dcard