死後 化作春泥更護花？
廣告
早前高永文提出探討「強制性器官捐贈」，除咗將器官捐予有需要人士，剩返的身體部分用埋做肥料，就真正造福人類喇！當你以為在紀念花園或海上撒灰已經夠環保，其實火葬一個人耗用的能源係超勁的！唔想死後留下碳足印，外國勢力如英國、美國等都有天然土葬服務，即人死後不火化，放進可生物降解的「棺材」，埋在天然環境，並以石頭或植物為「墓碑」，在泥士中降解成養分，滋養大地。一些設計師更從設計入手，令更多人接受死後回歸自然的概念。
01. 從屍體種出大樹
為推動綠色墓地，意大利設計師Anna Citelli 和Raoul Bretzel 從樹葬概念出發，用粟米和薯仔製造種籽形狀的膠囊，放入遺體後將「種籽」埋在泥土裡，膠囊上方種著死者生前選好的樹苗。遺體和膠囊隨時間降解，為樹苗提供養份，長成的大樹就是「墓碑」。若計劃成事，以後拜山不再見到冷冰冰的墓碑，而是茂盛的小樹林，供人憑弔之餘，更是休憩好去處。
02. 屍體變社區肥料
來自美國的Katrina Spade 比Capsula Mundi 團隊走得更前， 她設計的Urban Death Project，提出興建大型堆肥設施，將遺體放進去並混入木糠和木碎，幾星期至幾個月後就成為肥料，可由親屬或其他人領取，成為社區的一部分。設施每次處理多達三十個遺體，即出產的肥料來自不同屍體，令唔少人排斥呢個另類「亂葬崗」的設計。不過，半年前此計劃在Kickstarter 籌得超過$91,000美金，可見唔係冇人撐！
