打工仔幫公司出街做嘢冇得claim車錢 更被上司指責！網民力撐：死都要claim！｜網絡熱話

打工仔出勤想claim車錢但不成功

最近有打工仔在討論區發文，大呻公司政策無理，事主表示本身在寫字樓用電腦工作，從來不用出勤，但由於上星期公司指人手不足，上司要求事主幫手搬貨落舖。事主出勤返公司後想claim車錢，「我問係咪有得claim返車錢，被阿姐話我做人唔好咁計較，佢話佢之前出街做嘢，從來都無問公司拎返一分一毫。」

阿姐一句拒絕事主：「我之前出街做嘢，從來都無問公司拎返一分一毫」

面對上司一句「我之前出街做嘢，從來都無問公司拎返一分一毫」，令事主完全不敢駁嘴，但基於事主一直在寫字樓只需用電腦工作，出勤並非日常工作範圍之一，所以覺得出勤後不能claim車錢有點不合理。而事主今次出勤去過3個地方，途中亦需過海，搭車已經用了大約$80。事主其後有問admin，「佢話我可以照遞紙claim，但一定要我阿姐approve咗先，我又唔想被佢覺得我太計較。」

網民支持事主據理力爭

事主表示之後可能又要再出去搬貨落舖，詢問一眾打工仔「想知你地間公司係咪咁？我真係好計較？本身我唔suppose出街。」不少網民紛紛留言表示支持事主要向公司claim車錢，「咁應該要claim喎，可能你啊姐人工唔旨在」、「80蚊緊係要claim啦，我10蚊都會claim，寫明你由邊度去邊度就得，趕時間就會搭的士，唔趕就搭巴士地鐵。」

有網民覺得事主不是奉旨貼錢返工，「你咪話無錢搭車等出糧先去」、「咁嘅公司唔好做啦，轉工做第份好過」、「Claim係天公地道，帶埋錢返工？佢唔claim係佢嘅事，可能呢少少錢係佢人工冰山一角。我以前都叫我啲同事claim。佢地唔claim佢地嘅事，見到我就會批。」

資料來源：香港討論區