陶大宇突襲apm巡舖清唱《倒轉地球》 粉絲以為活動取消表失望

陶大宇快閃現身apm！有粉絲專誠追捧！

陶大宇的商場活動本擬於1月22日 ( 星期六) 於觀塘apm商場舉行，因為防疫拱施及限聚關係，商場曾經宣布將演出延期，不過有市民發現，陶大宇本人在1月22日如期現身商場，在中庭進行拍攝，更清唱了幾句《倒轉地球》，似乎要透過影片向大家拜年！陶大宇仲話「而家人人見到我都叫我唱歌，好似自己改咗複性叫『倒轉』」！這場無預告的「apm x 陶大宇倒數地球迎虎年」現場反應雖然有少少冷清，但直擊的市民都畀足反應：

影片來源：陶大宇關注組

今日陶大宇快閃巡遊的過程中，原來也有部份粉絲沒留意到商場的「延期通知」，如常三點到場打算追星，料不到陶大宇提早2點就現身，得悉偶像的清唱環節已經完結，大表失望！陶大宇除了在商場中庭清唱金曲，又快閃巡遊各大商舖，為商場的社交媒體拍攝照片及短片，期間有現場市民趨前求合照，也因行程緊密而推卻，想追星仲難過早兩日在尖沙咀偶遇陶大宇的吳若希（按此看詳情）。

陶大宇提早回港過年 各區商場頻顏被捕獲

其實陶大宇本人早已於上星期提早回港，對於商場演出活動要延期，他就大方表示「來日方長」，在星期六（1月15日）更有網絡KOL在尖沙咀另一商場巧遇陶大宇，即使戴住口罩都認得出並合照：

影片來源：齊齊推過氣師奶殺手陶大宇上返神台關注組

吳若希野生捕獲陶大宇開心些牙 點知嚴重變樣成為網民焦點

繼之前被網紅傭仔日記野生捕獲之後，呢日又到吳若希撞到呢位「樂壇紅人」，當然要把握機會合照一張再開心Share啦！

吳若希搶Fo-陶大宇慘變陪襯品

正當大家都以為陶大宇會係主角嘅時候，網民發現相入面嘅吳若希原來比大宇更加耀眼！事關有唔少網友都留言表示吳若希個樣有啲唔同，仲有好多留言話「差啲認你唔到」、「點解你塊面變咗樣」之類。不過眼利嘅網民就認為吳若希其實係玩濾鏡出事，太過重手唔止皮膚質地怪異，就連眼、耳、口、鼻都有啲走樣！今次真係失手喇！

吳若希親自回應變樣疑惑

網友對吳若希能成功爭取與陶大宇合照表示羡慕，同時對吳的五官變化感到神奇，有人說「以為係何依婷」、更多人表示係「完全唔認得你」，吳若希自己都無否認相中自己係有所突變，留言回應網友：

陶大宇：想野生捕獲我，一齊倒轉地球？

陶大宇本來將會現身的活動，原定於2022年1月22日 ( 星期六) 於觀塘apm商場舉行，主辦單位曾經推出預告，以「熱爆陶大宇」作為介紹，預告片中大宇仲親自拍片叫大家嚟同佢一齊倒轉地球：「最近有唔少朋友都好關注我嘅歌唱事業，話樂壇欠我一個交代喎！其實我唱歌跳舞都係為咗搞氣氛嘅啫，最近要就係你哋開心！如果想野生捕獲我，一齊倒轉地球？又唔係話冇機會㗎喎！」結果網民一面倒期待陶大宇回歸香港，仲話一定要去睇現場版《倒轉地球》添！

陶大宇爆紅FAQ

問：陶大宇的「首本金曲」是否只得《倒轉地球》？

答：不是！陶大宇的登台金曲除了《倒轉地球》還有郭富城以下呢首⋯⋯詳情按此「陶大宇繼〈倒轉地球〉再挑戰郭富城舊歌 新招『打樁式加油』：Come On！」

問：觀塘apm商場對上一次邀請周柏豪最後結果如何？
答：apm商場曾預告於2021年6月為周柏豪舉行Online粉絲見面會，可惜不受網民歡迎，在強烈反應下，當時商場有以下決定⋯⋯詳情按此收看「周柏豪商場預告見面會獲瘋狂派嬲」