麥當勞優惠2021！Mirror鏡仔卡第1周！姜濤打頭陣 推全新爆蒜麥炸雞＋朱古力批＋Shake Shake薯條｜飲食優惠

撰文：艾菲｜圖片來源：麥當勞

麥當勞優惠！一連四周Mirror鏡仔卡第一彈

今期由10月25日起，麥當勞將推出一連四周的Mirror鏡仔卡，全套16款鏡仔卡會分四個星期推出，每位成員各有一款專屬顏色的個人卡，下周率先由姜濤、Stanley和Tiger打頭陣，另外每周均會推出一款團體卡，十分期待！大家記得要集齊16張個人及團體卡，就可於最後一週獲得神秘驚喜彩蛋！所有鏡仔卡數量有限，送完即止，今次記得要快手啦！

麥當勞今次更於麥炸雞的包裝盒上大玩AR，鏡粉只要scan包裝盒上QR code，便可在畫面上看見與該包裝盒相應的MIRROR 成員，與偶像一起食麥炸雞！包裝總共12款，同樣將分四個星期推出並隨機贈送，下周(10 月 25 日起)同樣會先推出姜濤、Stanley和 Tiger的包裝盒，數量有限，售完即止！

更多詳情：麥當勞推MIRROR三週年鏡仔卡16款！全新口味麥炸雞 連續四星期推鏡仔卡＋AR專屬顏色包裝盒

全新爆蒜麥炸雞 ＋「MIRROR 分享盒」餐

除了鏡仔卡陪伴大家一連四周外，同亦推出麥炸雞盛宴，包括全新爆蒜麥炸雞，以秘製大蒜醬汁醃製，再把外皮炸至香脆，咬落好嫩滑！爆蒜麥炸雞採用雞鎚及雞上髀，食客可以購買1件單售及2件裝超值套餐，更有「MIRROR 分享盒」餐，包括4件麥炸雞、兩包中薯條和2杯中汽水，包裝上印上12位Mirror成員樣貌，未食已經過口水！

朱古力批＋鹹檸樂等5款經典美食回歸！

除此之外，今期有5款經典美食回歸，包括鹹檸檬無糖可口可樂、洋蔥酸忌廉味調味粉Shake Shake薯條、忌廉蘑菇粟米湯、朱古力批和士多啤梨蛋糕脆脆麥旋風，好吸引！麥當勞App亦會推出多款全新優惠券，各位鏡粉只要憑不同指定電子優惠券以優惠價購買麥炸雞，就可以獲得隨機派發的鏡仔卡！當中包括$22原味或蜜糖BBQ麥炸雞(1件)配朱古力批、$25歎原味或蜜糖BBQ麥炸雞(1件)配士多啤梨蛋糕脆脆麥旋風等，邊食著經典美食，邊抽鏡仔卡啦！

麥當勞App x MIRROR電子優惠券（10月25日至10月31日）

• 麥當勞
• 條款及細則：供應期由2021年10月25日早上11時起供應。
  · 鏡仔卡供應地點不包括九龍站、海洋公園、沙田馬場、跑馬地馬場及香港國際機場客運大樓之麥當勞餐廳。圖片只供參考。
  · 麥炸雞之供應地點不包括九龍站、海洋公園、沙田馬場及跑馬地馬場之麥當勞餐廳。
  · 大大杯鹹檸檬無糖可口可樂之供應地點不包括沙田馬場及跑馬地馬場之麥當勞餐廳。
  · 洋蔥酸忌廉味調味粉、忌廉蘑菇粟米湯、朱古力批及之士多啤梨蛋糕脆脆麥旋風供應地點不包括海洋公園、沙田馬場及跑馬地馬場之麥當勞餐廳。
  · 圖片只供參考。
  · 數量有限，售完即止。