網民力數青衣5宗罪：多公屋、美食沙漠！居民反駁好好住｜玩樂熱話

網民列舉青衣5大缺點：冇升值潛力＋美食沙漠

你對青衣有咩印象？明顯就是一個住宅區，如果不是探親朋戚友，或者行山都未必會去青衣。最近就有網民以「究竟仲買青衣樓嘅人係咩心態？」為題，列出青衣唔好住的多個缺點。

主要認為香港區區都有發展，青衣山上多公屋，空氣差，大商場又得一個，最多得公屋商場，葵涌至少都有葵涌廣場，人氣旺盛，但青衣就死氣沉沉。網民表示而且沒有美食，絕對是「美食沙漠」，物業又欠缺升值潛力，所以點解仲有人想買青衣樓。

居民反駁：不知住得幾寫意

不過，此帖文一出，立即引起不少討論，有人認同樓主睇法，認為買青衣樓都只是為了方便上班，亦有網民反駁，覺得青衣交通便利，比市區多點空間，不會太擁擠，居住環境舒服。有前青衣居民，住了20多年，覺得青衣空氣一點都不差，住得幾好，反而搬了出去另一個區，才想念青衣。

有部分住在該區的居民認為青衣住得幾寫意，碼頭個邊又有海旁行下，平時返工想行街出去第二度都得，住就想住得寧靜。至於沒有美食，青衣交通方便，幾個站就可以去旺角、荃灣想吃甚麼都得。

而且有人亦是因為住近「四大長老」家，方便照顧年幼孩子，「兩公婆都要返工7點要出門口，又唔想請工人個細路想畀四大湊，要焗住隔籬」。有網民就覺得，青衣同不少區都一樣，同區不同屋苑都已經有很大分別，屋苑的配套、住宅環境方向都有好大分別，如果樓主看下呎價就知咩事。