網民覺得Mirror太煩開帖呻！「鏡粉」閨蜜、家姐日講夜講：慘過食藥、開聲講又怕影響關係！｜網絡熱話
廣告
Mirror的一舉一動幾乎成為香港人近期熱話，但最近就有女網民以「我都唔係鏡粉，閨密日日都迫我要傾，好煩，連親家姐都係」為題發文，指身邊好朋友、甚班家姐係鏡粉，仲成日不停講Mirror，令佢覺得非常困擾！
撰文：HM｜圖片來源：香港討論區、MIRROR IG｜原文刊於：New Monday
女網友開帖大呻：「好煩啊」 「鏡粉」閨密、家姐不斷講Mirror
近日有女網友在香港討論區內開以「我都唔係鏡粉，閨密日日都迫我要傾，好煩，連親家姐都係」為題的帖文，講自己對MIRROR沒有興趣，但閨密、家姐卻經常逼她一齊討論，又常在Whatsapp、Line等社交通訊軟件上載相片等，雖然她每次都以「係呀」、「係咩？」、「真㗎」等冷淡的回應方式，但都依然令她感到很煩。
該名女網友還強調，自己並不是講MIRROR差，反覺得他們有算是有才能的藝人，但不喜歡就是不喜歡，為何要強逼她去愛呢，仲表示：「好想有個report button（檢舉掣）檢舉呢班非正常嘅MIRROR鏡粉，逼我聽佢哋用口講嘅廣告咁」、「慘過食藥，一日一定唔只三次」。
網友認同：曝光率太高會物極必反
有不少網友看到帖文後都十分認同樓主講法，並同時安慰樓主不用太過「勞氣」，只是大家喜歡的口味不同：「feel到樓主既 “勞氣”， 不過你一同鏡粉講你唔鐘意，咁佢地就覺得大家價值觀唔同，識左咁多年，講完黎傷左感情，就無friend做架la」、「愛你要講，唔愛都係要講。」、「（MIRROR）曝光率太高，物極必反，我只覺得煩」、「道不同不相為謀」、「你話你鍾意BTS，覺得Mirror外型同能力遠遠比唔上全球最紅男團，班女人聽到一定無法反擊。」
之後，該名女網友也有提到自己有追星，如東京奧運英國跳水王子戴利（Tom Daley）、韓國人氣女團BLACKPINK成員Lisa等。
撰文：HM｜圖片來源：香港討論區、MIRROR IG｜原文刊於：New Monday
