砵蘭街花園翻新變教主桃紅造型 記者現場直擊！呀伯唔敢坐 網民：以為係情趣公園｜網絡熱話
撰文、攝影：KL｜圖片來源：政府新聞網、IG、《東張西望截圖》
砵蘭街花園翻新變桃紅色
全新打卡地標
康樂及文化事務署早前宣布砵蘭街休憩花園完成翻新工程，並重新開放給公眾使用。翻新後的砵蘭街休憩花園一部分保留原有的布局；而另外一部分設計則帶現代感，加入創新的設計和藝術元素，令場地煥然一新，希望變成社區的聚腳點。而「潮人」徐濠縈更早於公園開幕前便前來打卡，一身粉紅色的造型配合場地顏色，非常配合。
記者直擊 阿伯唔坐桃紅色區域
早前記者特地親身視察，果然不少區外居民到此打卡，大家都似乎對桃紅色選色讚不絕口。不過真老人家伯伯似乎不敢句同，全都集中坐舊有設施位置，遙望另一邊的「桃花源」。記者估計因為舊設施的座位上有簷篷可以擋太陽，而另一邊則沒有，大家自然選擇較陰涼的位置。
設計師：注入新設計和藝術元素
TVB《東張西望》早前訪問，設計師表示新設計的目的是希望為人流眾多的小型戶外康樂場地注入創新設計和藝術元素，改善舊有的公共空間。設計團隊喜歡有新舊的對比，所以保留舊有的設計和加入粉紅的主題，形成強烈的對比。
網民：桃色公園真係第一次聽
翻新後的休憩花園引起網民熱烈討論，網民大讚康文署夠鬼馬，適合的顏色放在適合的地方，亦有人留言指設計師是否MIRROR成員Anson Lo的粉絲。不過亦有網民將焦點放在受訪的設計團隊執行總監姚嘉珊（Marisa Yiu）身上，因為從《東張西望》的訪問中可見，姚小姐幾乎每句都中英夾雜，令人聽到非常confuse，maybe係「鬼妹仔」性格啦～
訪問節錄：
好多人成日都覺得 呢個color is causing a lot of questions，人哋都問點解咁粉紅？點解（粉紅）係Only for Girrrrrrls？但唔係㗎喎，我哋好多男仕朋友都好鐘意粉紅色㗎喎！其實我哋做咗好多Researcccch，COLOR，係一個好特別嘅Psychology，係可以改變我哋個Happiness Level呀、舒服個感啦，係可以坐82個人啦，At the same time我哋個主題係PLAY，玩，Place for the people ； 但係Duck意呢，係呢度左邊呢，係舊嗰個 style啦，咁e便呢，就新返，嗰個設計團隊呢就鐘意一個Contrast——舊、新!!
TVB《東張西望》片段 設計師解釋創作理念：
https://www.youtube.com/watch?v=8MLbeyAegI4&t=1s
