酸辣粉全港Top13推介！巨型豬扒米線＋元祖級酸辣粉＋勁辣口水雞｜區區搵食
港島區
1)阿一豬扒酸辣米線
筲箕灣東大街出名多美食，當然唔少得酸辣粉喇！小店門面設計簡潔低調，但原來成日都大排長龍，係附近好多食客嘅心水之選！遠近馳名嘅招牌豬扒酸辣紅薯粉，足料大大塊豬扒，加上咬口煙韌嘅紅薯粉，配上後勁十足嘅麻辣湯底，簡直無得輸！
- 餐廳：阿一豬扒酸辣米線
- 地點︰筲箕灣筲箕灣東大街30號地下（顯示地圖）
- 電話：2884 1080
- 營業時間︰星期一至日 11:00 – 23:00
- Facebook專頁：阿一豬扒酸辣米綫
2)傷心酸辣粉
元祖級酸辣粉，共有9間分店，香港人一定不感陌生。主打正宗四川口味的酸辣粉，除了肉碎和芫荽外，所有材料都來自四川。酸辣粉有BB辣、小辣、中辣及大辣選擇。另外也有王牌口水雞、燒椒白肉、泡椒鳳爪等多款地道小食供應。依加仲有埋麻辣雞煲火鍋，雞肉緻滑，加上秘製麻辣醬汁，十分滋味！
- 餐廳：傷心酸辣粉
- 地點︰銅鑼灣記利佐治街1號金百利廣場5樓R3室（顯示地圖）
- 電話：2333 9693
- 營業時間︰星期一至日 11:30 – 22:00
- Facebook專頁：傷心酸辣粉
3) 川亭
位於灣仔嘅川亭酸辣粉舖位細細，十分受街坊歡迎！招牌川亭酸辣套餐：麻辣口水雞配麻辣重慶小麵，口水雞肉質鮮嫩，醬汁辣度十足！薯粉口感Q彈，吸收哂濃郁嘅麻辣湯底，每啖都辣得好過癮！網民都話外賣麵質唔會變糊狀，仲依然好有咬口！
- 餐廳：川亭
- 地點︰灣仔聯發街13號地舖（顯示地圖）
- 電話：2402 4343
- 營業時間︰星期一至六 11:00 – 22:00
- Facebook專頁：川亭
4) 渝酸辣粉
座落於銅鑼灣嘅渝酸辣粉主打傳統川菜，供應不少坊間少見的四川麵食，如大蒜鱔麵、燃燒麵、勾魂麵、肥腸麵等，據說是按成都大廚的家鄉秘方製作，亦有青瓜豆漿、麻辣奶 、凍甜品選擇。酸辣粉有少少辣、小辣、辣及加辣4個辣度選擇。
5) 前座飯堂
前座飯堂裝潢走懷舊路線，小店中式復古大門，仿如走進民初年代。食客可以自選酸辣粉辣度，亦可以揀薯粉撈米線，啱哂有選擇困難嘅食辣之人，更有米線溝薯粉選擇，非常有創意！自問食得辣嘅你，不妨試吓呢度嘅魔鬼辣！唔太食得辣，但又想挑戰吓嘅，可以試咗食撈薯粉先！
- 餐廳：前座飯堂
- 地點︰大坑新村街39號地下（顯示地圖）
- 電話：5118 1869
- 營業時間︰星期三至五 18:00 – 22:00、星期六及日 12:00 – 22:00
- Facebook專頁：前座飯堂
–
新界區
6)琪味小食
位於秦石街市內的琪味小食專賣川菜，每款食物食落又麻又香。酸辣粉用上自家製辣椒醬、自家熬成的雞湯作湯底，薯粉煙韌QQ，很索汁！想開胃點，就有涼拌小吃，麻辣口水雞是首選，麻辣辣度交足功課，紅油滿瀉，麻香辛辣，且雞件更滑嫩爽口，食指大動。
- 餐廳：琪味小食
- 地點︰沙田盛田街1號秦石商場街市S-CS23號舖
- 營業時間︰星期一至日 11:00 – 21:30
7) 雲川燒
位於屯門嘅雲川燒雖然舖面細細，但仍然十分受街坊同學生歡迎，仲有唔同食辣之人入嚟試！大大條豬腸，加上秘製嘅大大碗麻辣酸辣粉，麵質咬勁十足，豬腸非常煙韌。店內嘅串燒亦都好值得一試，肉質鮮嫩，口感厚實。
- 餐廳：雲川燒
- 地點︰屯門良德街盈豐商場地下A27號舖（顯示地圖）
- 電話：2460 2227
- 營業時間︰星期一至日 10:00 – 22:00
- Facebook專頁：雲川
8)順酸辣粉
位於屯門的酸辣粉小店，在食肆林立的井財街附近，裝潢簡單與一般茶記無異，卻是臥虎藏龍。主打四川酸辣粉、雲南米線、拌麵、滷水飯及多款麻辣小食，勝在選擇夠多。四川酸辣粉以豬骨湯為底，再加入蝦殼及魚等材料熬煮，配上炸醬、花生、芽菜、韭菜、酸菜、 葱花、芫荽等。
- 餐廳：順酸辣粉
- 地點︰屯門青菱徑6號富麗大廈地下（顯示地圖）
- 電話：2338 0061
- 營業時間︰星期一至日 10:30 – 22:00
- Facebook專頁：順酸辣粉 Shun Noodle
–
九龍區
9) 旦王
位於旺角弼街的旦王，本是只賣港式掃街小食，魚蛋、燒賣、腸粉，十多年前酸辣粉流行，店子亦乘著當時潮流而推出，結果一炮而紅，人人到店第一時間點的都是重慶酸辣粉。說明是招牌，酸辣粉固然不會失色。榨菜、花生、芫荽、肉碎落得夠大方，滿滿一把，幾乎遮蓋了底層的紅薯粉。湯底酸辣味突出，記者這次點了小辣，酸爽有致。面層浮了厚厚紅油，吃落雖然偏鹹，好在榨菜及醋的酸味起了中和作用。薯粉份量多，彈牙煙韌。
10) 又一川
位於牛頭角同觀塘中間嘅又一川，雖然離地鐵站有點路程，但非常值得一去！店面小小，位置亦不多，大熱天時仍然見不少食客在門外等候。酸辣粉可以自選小、中、大辣，紅薯粉咬口十分煙韌，愈食愈辣口感十分過癮！每條薯粉都晶瑩剔透，咬勁十足。口水雞口感十分清爽，最趣緻係連埋雞頭一齊上，配上麻辣醬同蔥花，十分滋味。
- 餐廳：又一川酸辣粉-香港官塘
- 地點︰觀塘宜安街25號地下（顯示地圖）
- 電話：2264 6203
- 營業時間︰星期二至日 11:00 – 23:30
- Facebook專頁：又一川酸辣粉
11)兩姊妹涼皮有限公司
由兩位前空姐開設，來自重慶的廚師姨姨掌廚，有30年下廚經驗。招牌如店名所言是涼皮，以木薯粉製成。水晶酸辣粉也是人氣之選，有微辣、小辣、中辣、大 辣及勁辣5個辣度選擇。店子小小，只設約10個企位，主 打外賣，深受街坊歡迎，試食當日也有不少人排隊。
12)臻味冰室豬扒酸辣米線
臻味冰室豬扒酸辣米線在觀塘一帶有多間分店，是區內一班打工仔午餐最愛之選！秘製豬扒酸辣米線湯底麻辣及酸辣味都恰都好處，用料有更花生，加強口感。豬扒大大塊，肉厚而入味，其他配料亦非常有特色。
- 餐廳：臻味冰室豬扒酸辣米線
- 地址：觀塘敬業街55號皇庭廣場地下3號舖
- 電話：27900808
- 營業時間：星期一至六 07:00 – 21:00
13)雲貴川風味
雲貴川風味位於西洋菜南街，位置方便。老闆是昆明人，主打麻辣雲南米線，湯底混合川貴辣風味，以大量辣椒熬成，偏重口味。餸料有約40款，最多人選的餸料如麻辣腩肉、麻辣豬耳等。
- 餐廳：雲貴川風味
- 地址：旺角西洋菜南街103-109號
- 電話：21780886
- 營業時間：星期一至日 11:00 – 22:00
–
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
