英國女意外揭發男友偷食！全因智能手錶1個通知成捉姦證據｜網絡熱話
廣告
偷食都會被智能手錶出賣？近幾年智能手錶同手帶嘅興起，協助大家記錄運動表現同提供數據分析，有助大家維持健康嘅生活狀態。唔少人仲會用智能手錶記錄睡眠數據，希望提高睡眠品質。不過就有位英國巴打唔小心，因為呢啲記錄出咗事⋯⋯
偷食被發現！全因凌晨做運動⋯⋯
英國鏡報報道，英國知名專欄作家 Nadia Essex，日前通過睇男友嘅智能手錶，意外發現男友偷食，繼而憤怒地提出分手。Nadia仲係社交媒體分享捉姦經過，希望各位姐妹都可以提早發現渣男。
一切嘅悲劇源於智能手錶彈出嘅通知，信息顯示佢男友係凌晨消耗超過500卡路里！至於Nadia 點樣睇到個信息呢？Nadia可能出於關心男友嘅運動表現，一早就同步咗Fitbit智能手環嘅信息通知。喺佢為男友準備早餐果陣，突然響起信息提示音，恭喜佢男友「在凌晨2am至3am期間消耗超過500卡路里」。
智能手錶提示：消耗500卡路里
Nadia Essex下意識覺得唔對路，因為男友尋日同佢講自己係同朋友通宵聚會。佢細想一層究竟咩聚會可以消耗500卡路里？進一步調查之後更確定男友根本就係同異性相約見面，係床上盡情揮灑汗水，消耗咗500卡路里。好一個英國時間管理大師！
作為一個熱愛運動嘅小編，忍唔住要多口講一句。10分鐘跑1.6公里先消耗大約100卡路里。呢位巴打消耗500卡路里，換算落即係要跑成50分鐘，可以話係戰況相當激烈。
原文刊於：新Monday
圖片來源：《夫婦的世界》劇照、ladynadiaessex@IG、Karolina Grabowska@Pexels、
