口罩小姐選舉│過氣𡃁模Yumi尹蓁晞唔認參賽扮退選 被轟唔專業踢出局
廣告
ViuTV的另類選美節目《最後一屆口罩小姐選舉》，之前發布40位口罩小姐的參賽資料及照片時，其中一位報稱現年33歲、任職模特兒的40號佳麗，有指就是過氣𡃁模Yumi尹蓁晞，全世界都認得佢副身材，但她卻斬釘截鐵否認有參賽，之後又改口扮退選。隨著節目第一集出街終於真實大白，原來Yumi在首輪面試九唔搭八被ERROR四子問到口啞啞，其中193更轟Yumi冇準備完全唔專業，入行多年畀班後輩當眾落面，難怪唔想認有參加啦！
撰文：東方新地 圖片：ViuTV電視載圖、Yumi IG圖片
口罩小姐身份早已被悉穿
ViuTV首次在網上公布《最後一屆口罩小姐選舉》的40位入圍名單時，網民已一眼已看出現年33歲、任職模特兒、身材出眾上圍尤其吸睛的40號佳麗正是Yumi，更有好友tag其名字問Yumi是否有參加，當時Yumi卻堅稱自己沒有參賽，不過因為紙包唔住火，被好友多番追問下，其後Yumi只輕輕帶過表示早已退選。
口罩小姐被foul即場除罩
到了《最後一屆口罩小姐選舉》首集，40位參賽者來自各行各業，當中以自由工作者、模特兒、演員及空姐居多，她們在錄影廠作首輪「海選」面試，而ERROR四子就負責做評判，在40位佳麗之中精心挑選20位入圍，每個女仔都使出渾身解數，務求拎到入場券，若被Foul的話就要即時除罩揭廬山真面目。
Yumi表現極差首輪止步
至於賽前被網民一致認出的Yumi，雖然聲稱已退選，但節目播出時依然有她，當Yumi一進場評判之一的保錡即眼利認出她，仲話睇過佢本寫真集，之後ERROR再問她有關ViuTV的事，例如有睇咩劇？最代表到ViuTV嘅藝人？Yumi當堂口啞啞，即被193狠批唔專業，報名參加電視台節目事前都唔做功課了解，最後直接foul走她，Yumi面懵懵除罩走人。Yumi話晒都係前輩，08年以𡃁模身份入行，ERROR搞到佢咁冇面，又真係好難落台嘅！
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
資料或影片來源：原文刊於東方新地
