林盛斌老婆Pearl被笑瘦身靠P圖 心痛太太被狙擊man爆護妻: 搞我好啦﹗

撰文、圖片：東方新地

親身試減肥藥 Bob嫂試減肥藥瘦成個碼 網民：P圖？

圖中見Pearl手捧幾盒減肥產品，臉部和身形都瘦了幾個碼、消瘦不少。但亦有不少網民起疑，指圖中Pearl的雙腳內彎得非常奇怪。

林盛斌心痛太太被網民狙擊 man爆護妻

阿Bob不時在社交網讚賞太太在照顧家庭同時能發掘自己的興趣，鑽研風水、自製手工皂等，繼而發展成自己的事業，阿Bob在疫情期間工作減少收入大滅，反而太太卻工作不斷，阿Bob曾笑言等食軟飯。林盛斌前排在社交網表示太太受到網絡欺凌，阿Bob不忍太太受苦，挺身護妻揚言：「搞我好啦﹗唔好搞我屋企人﹗」被圈中朋友讚係真男人﹗

林盛斌在社交網貼出太太獨照，留言指近日有幾篇報道提起太太Pearl，然後有很多網民留言評論，當中包括對太太的外表以至工作的批評，當中有人身攻擊、無中生有的都有。

林盛斌挺身護妻：

我太太的確唔係乜嘢大美人，
佢只係一個普通女人，40歲，
從來唔化妝，冇打針，冇整容，
鬆動啲先去買兩件靚少少嘅衫着下，
生咗四個小朋友，好努力照顧佢哋，
亦安排好佢哋嘅起居飲食同所有嘢，
私人時間就去學吓呢樣，做吓嗰樣，
然後將自己嘅興趣發展成為事業，
靠自己嘅能力同知識去賺取家用，
而佢都仍然keep到宜家呢個狀態，
喺我心目中，已經係「完美」。

各位，搞我好啦，放過我屋企人啦，唔該晒！🙏🏼

By the way，佢係瘦咗，又靚咗。

林盛斌挺身護妻，又以完美來形容太太，得到一眾圈中人留言支持，大讚阿Bob好man﹗當中包括有蔡卓妍、蕭正楠、黃智賢、洪永城和孫慧雪等。

阿Bob逐一回覆網民撐Bob嫂

阿Bob一番man爆長文，除了得到圈中好友紛紛留言支持外，亦有不少網民窩心留言撐Bob嫂，阿Bob都逐一回覆﹗

酸民怪林盛斌高調惹的禍

不過亦有網民指Bob嫂自己攞嚟，指她低調一點便不會受到網絡欺凌，更有網民指Bob嫂現為人睇風水，正需要名氣，更懷疑阿Bob高調護妻，其實另有目的云云。

夫妻紋身慶祝結婚13周年

林盛斌除了是圈中多仔公亦是圈中出名的愛妻號，去年12月與太太在無名指上一條線，以慶祝結婚13周年，仲話希望太太喜歡這份禮物。

h2>07年結婚 Bob嫂陪阿Bob上位 做賢內助

由電台 DJ 到電視主持、由參演電視劇到做埋電影男主角、由活動婚禮司儀到自己做埋製作、經理人公司老闆，今年四十歲嘅Bob 林盛斌可能係近年上位最快、瓣數最多、曝光又最頻密嘅男藝人！曝光多、人氣高，簡單嚟講即係搵錢能力都驚人，連屋都愈搬愈大愈住愈豪。

林盛斌「大過地球」四層巨宅曝光

07年結婚，婚後生完又生如今家有三女一子，係搵到所以唔怕生多啲養多幾個，定係生得多所以搵食動力都高過人，咩原因都好，總之個結果就係搵到亦都享受得起！ 15年由太子道900呎舊居搬去加多利山三千呎豪宅，去年初被逼遷後更上一層樓，入住九龍塘四層獨立屋，地方更闊落設備更齊全，用經常上門作客嘅老友農夫成員 C 君嘅說話去形容，Bob 屋企「 大過地球 」咁話喎！

平時早出晚歸四出奔波搵錢養家，疫情打擊下被迫放緩工作步伐，Bob 難得多咗時間留喺屋企湊吓仔女享受吓家庭樂，分享多咗同仔女玩樂學習日常相片，「 大過地球 」豪宅間隔亦都因此逐格曝光，飯枱大到加埋轉盤開到一圍十二人酒席、偏廳可以改裝成遊戲廳闊落過 playgroup、花園有假山有噴水池大到可以開到poolside燒烤派對、房多到四個仔女可以有個專屬學習房兼圖書館，一家六口加埋三個工人姐姐都夠住仲綽綽有餘，睇怕 Bob再追多幾個都仲得！