周柏豪男神形象蒙污點 10萬酬勞做鹹片主角扮女人

文：東方部地 ｜圖：周柏豪IG、新傳媒圖庫、電影《色模》截圖、電影《四非》劇照、李悅彤

男神周柏豪一向型英帥，平時張相唔型唔靚都唔擺上 IG，但喺2009年仍然係新人嘅佢，有任何演出機會都唔會放過，接拍咗套原本屬喜劇類型《我要做𡃁模》電影，片酬只有約10萬元。戲中周柏豪要豁出去扮女人，可惜造形騎呢十足人妖咁款，相信核突到連柏豪自己都唔想有人知，好彩套戲製作太過簡陋最後爛尾收場，放映無期。點知2015年電影公司將《我要做𡃁模》重新包裝再出籠，片名改埋做《色模》，搵嚟騎呢艷模前AD2成員艾美琦補拍多場露點大膽情慾戲，重組剪輯成「合拍片」，將原本嘅笑片「 升呢」到三級鹹片，周柏豪無啦啦做埋鹹片男主角，令男神形象蒙上重大污點。

挑戰極限全裸上陣

周柏豪今年在各大頒獎禮中表現出色，在《十大中文金曲》奪得男歌手金獎外，又在《勁歌金曲頒獎典禮》上獲得「最受歡迎男歌星」獎，在樂壇大放異彩。其實在電影方面，周柏豪也曾賣力拍攝多部電影，而2015年上映的三級電影《四非》，絕對是柏豪演戲以來角色最為突破的一部作品。戲中周柏豪同被封最強「小三」的李悅彤（Liddy）有唔少挑戰道德尺度嘅情慾戲，還有意識大膽的自瀆和自慰場面。當年周柏豪一改型男形象，飾演臉上長着畸形腫瘤的冷血殺手，戴住口罩像過街老鼠般生活，在電影尾段一幕中槍戲，周柏豪更要挑戰極限全裸上陣，一絲不掛瞓喺垃圾堆上，靠大脾遮蓋重要部位，拍攝時慘被烏蠅不斷「圍攻」下體，柏豪為藝術而犧牲的精神實在令人欽敬！