馮盈盈鄭衍峰戀情浮面 帶挈男友黐入《後生仔》揚言「乜戀都傾」⋯⋯
廣告
馮盈盈早前被之前被周刊拍到與主播鄭衍峰出雙入對，二人「一架車兩份揸」都未夠親密，經歷「釣金龜」風波後的馮盈盈似乎好想話畀大家知，佢識男友唔揀擇、最緊要就手，日前仲帶挈埋鄭衍峰加盟無綫節目《後生仔傾吓偈》做主持，合照示愛意， 男方更聲言「乜戀都傾」。
馮盈盈同鄭衍峰嘅戀情疑幻似真，即使影到佢哋同車返盈盈香閨，又同車返無綫開工，但佢兩個都話只係好朋友，不過最近關係好明顯已經進一步，仲日喺社交網不停晒恩愛！
早前鄭衍峰喺生日當天公開二人穿著同款唔同色嘅情侶Tee合影短片，女方亦不避嫌上載新相寫住「20200713 Happy Birthday」，公然隔空傳情賀男友生日。
幫奀星男友升呢
其後鄭衍峰同馮盈盈先後喺社交網上載一張同盈盈嘅合照，見佢兩個含情默默咁望鏡頭，隔籬仲有個大心心，原來為咗宣布鄭衍峰加盟無綫節目《#後生仔傾吓偈》其中一個叫「乜戀都傾」嘅環節，同成班後生仔傾吓愛情觀。
據知馮盈盈為幫鄭衍峰上位爭取出鏡機會，一直向高層及監製落足咀頭hard sell，想男友有上位機會唔再做奀星，拉近二人距離，唔好畀人再話係女尊男卑。不過睇鄭衍峰個樣同條件，真係好難上到一線囉！
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
資料或影片來源：原文刊於東方新地
