「毒男」馬國明不再做乖乖仔 愛情失意事業得意殺入內地賺人仔

撰文、圖片：東方新地

馬國明終奪視帝 舊愛急住抽水

當過氣無綫花旦葉璇都走出來抽新任視帝馬國明水，曖昧談及二人當年關係，仲話細個唔識珍惜，依家唔會乘虛而入，就知道成功封視帝的馬明已經今非昔比，大把人想食馬明肉，而姣出禍的黃心穎亦表示馬明早應該攞了。

被指是毒男宅男 失戀後不再做乖乖仔

馬明雖然被封「不可多得的兒子」，但性格內向的他亦經常被指宅男，他的生活除了工作，就是踢波與睇波，對於女朋友來說應該都幾悶，這日陪母親行完街，他也是返家食住家飯，未有再外出，非常之深閨。馬明純良的性格令他受歡迎兼入屋，但在事業上卻好輸蝕，不過近年已經開竅，有傳他去年獲契哥鄭嘉穎教路，為求爭取視帝續約拖字訣，而他在形象及角色上亦有銳變，早前在《使徒3》首次飾演反派，下月開拍的《 BB來了2》又會有新突破，不再獨沽一味以「天然呆」來取悅大眾。

愛情失意事業得意 殺入內地賺人仔

近月馬明更開拓國內市場，商演不絕賺人仔賺到手軟，就連春晚都有份，甩心穎後行運行到落腳趾尾，但願馬明事業愛情皆得意，趁鼠年新開始，努力尋找屬於他的另一半，相信馬母睇到乖仔成家立室，會開心過收到名牌包包。