29歲張馨月成人妻勝利組 成功融入林峯家族極得寵

撰文、圖片：東方新地

林峯揀啱女友 張馨月深得老爺奶奶歡喜

自從去年六月求婚成功，林峯已著手籌備婚禮，父親林華國是有「廈門李嘉誠」 之稱的百億地產富商，在國內有頭有面，有唔少政界及生意上 親朋好友，婚宴自然要一絲不苟，仍有唔少細節要準備，愛得 甜蜜的林峯，就趕緊在40歲生日成家，反傳統先低調註冊，稍 後再補辦大型婚宴，據悉當日堂妹林夏薇夫婦亦有到場見 證，林峯父母飲完新抱茶笑逐顏開。

據知情者透露：「同張馨月 一齊，阿峯成個開心晒，阿峯父母都好鍾意呢個新抱仔，覺得佢 夠乖巧純品，識得尊重長輩又會顧全體面，一早已經認可佢入 門，知道阿仔決定成家不知幾開心，阿峯想低調註冊先，稍後再補搞大型婚禮，雙方父母都無異議，話最緊要開心！話晒家族顯赫，加上阿峯 又係長子，父母的確好恨抱孫，講明孫仔孫女愈多愈好，不過，阿峯之前忙拍 電影同電視劇，覺得自己陪老婆嘅時間唔足夠，結婚之後想過吓二人世界 先，父母都好開通，冇反對由得個仔自己決定！」

曾為內衣 Model 為愛收起性感融入家中

曾經是2010年全國時尚內衣模特大賽亞軍的張馨月，雖然做過內衣 Model，不過，自從成為林峯女友，已洗盡鉛華收起性感，平日打扮純樸如同 鄰家女孩，加上性格善解人意，除深得林家上下歡心，更一早融入林峯朋友圈 子，新婚燕爾林氏夫婦近日便頻密孖實會友慶祝，除咗在冬至和聖誕節同堂妹 林夏薇一齊過，早前，林峯又同老婆出席何猷啟的聚會聯誼，峯嫂早已融入老 公的富貴上流圈子，善於交際的她早前又代表老公出席堂妹林夏薇的麵店開幕 禮，同關之琳言談甚歡，入得廚房出得廳堂，由「最佳男朋友」升呢最佳人夫 林峯揀到最佳賢內助，天生一對！