抹茶控必到嘅台中甜品店

抹茶真係一種去到邊都會紅到邊嘅食品。喺日本唔使多介紹啦，最出名一定係京都嘅宇治，無論係本地人定旅客都鍾意逼哂過去；返到嚟香港，最紅嘅就係由宇治過嚟嘅中村藤吉，仲日日未開鋪已經排哂長龍，真誇張；咁唔知另一個港人最鍾意嘅旅遊熱地台灣，又有咩抹茶店出名呢？

「抹茶迷必到朝聖地」只園抹茶

嚟到位於台中市嘅只園抹茶門口，真係以為自己去咗日本京都（只要你同自己講唔好望面前啲電單車同隔離啲台式鋪頭）。可能你會諗「唓，門口靚有咩用，會唔會一打開門入到去就即刻由日本返番台中架」，好彩只園抹茶店入面都無令我失望，除咗有好多和式擺設，最吸引就係有榻榻米！好滾動呀！環境就好OK啦，不過唔知啲甜品又點呢？

店內人氣no.1 甜品，鐵板抹茶熱蛋糕！

慢慢加抹茶白朱古力醬，鐵板即刻「渣渣」聲，十足十鋸緊扒。

我唔客氣啦！

只園抹茶
地址:台中市西 區模範街40巷22號
電話:04-2302-6811

「柴犬陪你食抹茶刨冰」町家咖啡Machiya

可能你會話夏天食鐵板甜品，傻的嗎？熱唔熱咗啲呀！識食一定係食返啲消暑嘅抹茶甜品啦～無問題！台中呢度一樣有！即刻為你介紹呢間有賣日式刨冰嘅咖啡小店，場入面仲有位超人氣嘅日藉服務員 a.k.a. 註場親善大使添！

佢就係日藉服務員 a.k.a. 註場親善大使啦！Kawaii！不得不提呢度仲俾其他客人帶埋自己嘅狗狗嚟食嘢添，可以開狗狗P！

「可是我 有時候 寧願選擇留戀不放手」面對呢碗鋪滿紅豆嘅宇治金時，我…唔捨得落手~

除咗紅豆topping，仲可以加軟雪糕架。

町家咖啡Machiya
地址:台中市西區華美街245號1樓
電話:04-2302-7155

「轉角遇到‧幸福」初綠So Lo Mo

同之前兩間好唔同，呢間初綠So Lo Mo無論係內定外都無任何日式嘅裝修或者設計，只係簡單咁開喺一間極之唔顯眼嘅兩層白色小屋裡面。如果唔細心留意隨時會錯過。

和風抹茶Waffle，呢度嘅招牌甜品，配埋抹茶雪糕、紅豆同士多啤梨一齊食，oishi！

宇治金時雪糕，成件事都好京都style，白丸子加紅豆抹茶雪糕，無得輸！

果漾抹茶雪糕，季節限定，用嘅水果會因應季節而轉，

初綠So Lo Mo
地址：台中市北區尚德街2號
電話：04-2208-0798

想食盡咁好味嘅抹茶甜品，又唔想喺香港排隊同人逼？梗係要去飛去食～即刻執定行季啦，因為你隨時有一次免費來回大阪／台中嘅機會！

依家網上成功申請指定渣打信用卡，即有機會贏取HK$5,000旅遊禮券，俾你飛去大阪／台中橫掃所有抹茶甜品！
立即申請

圖片來源

痞客邦PIXNET@魚仔，痞客邦PIXNET@滴莉雪絲，痞客邦PIXNET@富嵃，全台灣-iPeen，Looker羅客，Abrabbit@兔兔，FG部落格@橘子狗