大角咀$38酸菜魚日賣200碗 四川直送香料 流心高力豆沙｜區區搵食
廣告
香港人近年愛吃酸菜魚，貪其刺激過癮，味道夠重。近期大熱的一間大角咀「上海老家」，主打川滬菜，期間限定$38就可以食到原價$128一大盤金湯酸菜魚，是2至3人份量，做優惠價是想讓更多街坊試味，店主更聲稱一晚可以賣二百多碗，可見其人氣！
撰文：肥龍 攝影：Lam Lam
大角咀上海老家 $38金湯酸菜魚
大角咀上海老家主打川滬菜，餐廳由年近65歲的何師傅及兒子主理，何師傅先後於香港各上海菜當總廚，更於70年代受邀到德國Lübeck香港大酒家當6年總廚，而酸菜魚便是他的拿手菜，所以兩父子為這酸菜魚下了不少心機。店內所用的香辛料和調味料，更是由四川直送，務求完美呈現酸菜魚風味，為了讓更多人食到，餐廳更推限時優惠，由即日起至9月尾，以$38就可食到原價$128的金湯酸菜魚，份量足2-3人分享，十分抵食！
湯底加入鮮南瓜蓉！
金湯酸菜魚選用龍脷柳，貪其肉多骨少，而且成本相對較低，吃得方便放心。酸菜辣味香而酸爽回甘，魚湯底加入鯽魚和生魚，以慢火煲足6小時，更獨特地加入了鮮南瓜蓉，令湯底泛金黃色，且帶有淡淡瓜甜味，好睇又好食。這個優惠價金湯酸菜魚是期間限定，只在9月供應，小店閒日也大排長龍，如果想試，最好預先訂位。
川滬小菜 流心高力豆沙+麻婆豆腐
除了酸菜魚外，店家還有十數款上海小菜，如流心高力豆沙，以果醬作餡料，切開有驚喜！而麻婆豆腐，以百福豆腐加上新鮮本地豬肉碎，四川豆瓣醬調味，辣味刺激。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
