5大檢測證明對方係「Mr. Right」 拍拖太耐覺得冇安全感｜網絡熱話

5點證明拍拖對象係「Mr. Right」！

1. 拍拖時充滿安全感

兩個人相處嘅時候，對方能夠俾到安全感俾自己真係好重要㗎！例如對方會唔會背住你同異性有過份嘅交流，從而令自己可以完全相信對方。好多時有人偷睇另一半嘅手機，好多時都係出於缺乏安全感而做出呢個行為。

2. 對方記得你嘅大小事

拍拖嘅時候好多時都會講好多嘢，即使係重要嘢或者係廢話，另一半都會記得好清楚。小至每次拍拖約幾點，大至對方嘅生活習慣，如果你嘅另一半都可以將呢啲嘢記得好清楚，咁即係代表佢對你嘅大小事都好上心！

3. 唔介意你嘅缺點

正所謂無人完美，每個人都會有唔同缺點。如果你嘅另一半都可以包容你嘅每個缺點，咁佢一定係好愛你呀！

4. 願意一齊進步

兩個人一齊好易有惰性，如果雙方都願意為大家嘅將來而一齊努力，遇到唔同人生大事都能夠俾到唔同意見你為你好，咁就為之一段健康嘅愛情喇！

5. 相處時舒服自在

相處時自在呢件事睇落好似好簡單，但實際做起上嚟真係好難！畢竟係喺自己愛嘅面前，好驚會做出一啲醜態俾對方見到。如果可以喺另一半面前可以舒舒服服咁做自己，咁就係一段好嘅關係呀！