一個月輕鬆減5公斤 懶人必學「走路減肥法 」

懶人必學「走路減肥法 」

近期由日本院長發明嘅「走路減肥法」，主打每日只要用正確姿勢行300步，一個月就可以輕5公斤，更可以同時去水腫同改善便秘。有模特兒公司更開班授課。

重點一：腳要伸直，朝向前進方向

行路時需要收小腹，踏出嘅第一隻腳不論膝頭定大小腿都需要伸直，腳尖朝向前進方向。如果腳尖無朝往前方，就會令到膝頭、大腿等關節傾斜，影響血液循環。

重點二：後腳腳踭伸直

準備起步嘅後腳要伸展，將重心放喺前腳，令前腳腳踝、膝頭、腰、膊頭同耳仔成一條垂直直線。當小腿肌肉收縮，就可以令腳部血液回流入心臟，改善水腫問題。

重點三：切勿用力踩地

大家切記唔好用力踩地，應重覆重點二嘅方式伸展，腿部往前伸出，預防腿部變粗同緊繃。

如果你想減肥，但係懶到唔願做運動，就可以試吓呢個方法喇。