煎黑炭餃子令爸爸憂嫁唔出 人妻們貼出暗黑料理照互相安慰：老公小孩還活得好好的｜網絡熱話
廣告
有網民煎黑炭餃子，搞到爸爸都擔心佢嫁唔出！「入得廚房，出得廳堂」相信係一眾男生都渴望女伴可以擁有嘅特質，女生除咗有端好外表之外，都希望自己可以煮得一手好餸以留住男人嘅胃。暗黑料理雖然聽得多，但呢位女網民連餃子都煎到變黑炭，認真牙煙！
撰文：Evita ｜圖片：網上圖片
煎黑炭餃子令爸爸憂嫁唔出
女生煮得一手好餸當然會加分，但係近日台灣就有一名女網民喺Facebook上分享一張煎餃相，相中見到每隻餃子底都煎到燶晒，十足十黑炭餃子……
女網民再分享之後煮麻油雞時又唔記得加薑同麻油，炒菜時又唔記得落鹽。
人妻們貼暗黑料理照互相安慰
女網友將經歷擺上Facebook後獲得不少人妻留言，紛紛貼出「驚天地泣鬼神」嘅食物相，有人更幫佢打氣：「你不孤單，我嫁了！」。
識得煮返幾味就梗係會加分啦，但係都有人道出而家呢個年代，識叫外賣就得喇！所以一眾對烹飪無咩研究嘅女士，絕對唔使擔心嫁唔出嘅！
