【自助餐我要】金鐘85折蟹主題酒店自助餐 任食花蟹＋片皮鴨 ＋鮑魚花膠
（自助餐訂位反應熱烈，只剩餘少量位置，餐廳亦正商討延期優惠，有任何更新會再Update大家，請繼續留意新假期報導。）
記者：Joan 攝影：Day
金鐘JW萬豪酒店 85折蟹主題自助餐
秋天是吃蟹的季節，作為一個蟹迷當然會想食勻多款蟹，位於JW萬豪酒店5樓的「JW咖啡室」最近亦推出秋蟹自助餐，現場供應多款凍海鮮，有矜貴的鱈場蟹腳、花蟹、加菲蟹，熱盤又有多款以蟹入饌的菜式，同場還有手掌大波士頓龍蝦。Buffet供應至10月尾，蟹迷要衝啊！
多款靚蟹入饌 菜式逐格睇
罕見！加菲蟹任食
手掌大波士頓龍蝦
同場加映：日式刺身帶子＋馬刀貝
日式刺身選擇也甚多，足足有8款，包括三文魚、油甘魚、吞拿魚、八爪魚和甜蝦等，更有少見的帶子和馬刀貝！ 刺身即點即切，鮮味十足，值得排一排隊！
繼續吃蟹！ 日本皇帝蟹腳天婦羅
除了刺身外，日式天婦羅也是必吃！
今次的天婦羅有炸日本皇帝蟹腳，師傅在區內高溫油炸粗身蟹腳，熱辣香口，咬下便是啖啖鮮甜的蟹肉，記住要多吃幾條！
食肉獸注意： 燒牛肉＋羊架＋龍躉
雖說是蟹主題，別以為食肉獸來到就會失望！今次JW咖啡室的切肉區也有3款選擇，包括燒肉眼扒、香草羊架和龍躉！每款也是即切，記者推介燒龍躉，雖然賣相麻麻，但龍躉外皮帶焦香，咬下肉質Juicy滑嫩，要吃！
中式燒味：片皮鴨＋乳鴿
海鮮和肉類各有花臣，但中式燒味都有驚喜！有片皮鴨、乳鴿和海南雞！片皮鴨隻隻烤得金黃，熱辣出爐，師傅即切，行過都聞到鴨香！
更多熱盤：大粒蟹肉雲吞！混入原隻蝦肉夠鮮甜
回本之選：蒜蓉蟹鉗＋矜貴鮑魚＋燴花膠
冷盤＋沙律區
冷盤區自成一角，有多款火腿、芝士，靠牆的一邊還有一個沙律櫃，各款新鮮蔬菜可自行配搭。
甜品：即製抹茶紅豆車輪餅＋芝士撻
熱盤如此豐富，但是也不要吃太撐！因為甜品也同樣精彩！除了有賣相精緻的蛋糕和甜點外，要試試密密出爐的抹茶紅豆車輪餅，甘香抹茶車輪餅包著紅豆粒，微甜飽肚，食一個夠啦！另外也有分三輪出爐的芝士撻，香脆曲奇撻皮配上濃郁熱辣的芝士餡，難抵誘惑！
4款Häagen-Daz雪糕任選擇
JW咖啡室@金鐘JW萬豪酒店
地址：金鐘道88號太古廣場香港JW萬豪酒店5樓（顯示地圖）
電話：2810 8366
JW咖啡室10月秋蟹盛宴自助晚餐
供應時間：即日起至10月31日 每晚6pm-10pm
價錢：星期一至四：成人$758、小童$568；
星期五、六、日及假期：成人$818、小童$608
備註：
1)另收加一。
2)以指定恆生信用卡惠顧晚市自助餐，2至5位可享85折優惠、6至10位可享8折優惠。
（優惠只適用於特選恒生信用卡客戶。特選恒生信用卡包括恒生Visa Infinite卡、優越理財World Mastercard®、World Mastercard、香港賽馬會會員卡（萬事達卡白金卡及金卡）、競駿會會員卡、白金卡、人民幣白金卡、聯營白金卡、聯營白金消費卡、商務卡、銀聯人民幣鑽石商務卡及公司卡，其他詳情按此。）
3)以指定匯豐、DBS、中銀信用卡惠顧晚市自助餐，2至5位可享9折優惠、6至10位可享85折優惠
（匯豐信用卡：卓越理財信用卡及白金卡或以上）
（DBS信用卡：白金卡、黑卡、Eminent Card、COMPASS VISA）
（中銀信用卡：BOC Visa Infinite, Diamond Card, Visa Signature, World MasterCard, Platinum and Commercial Card）
延伸閱讀：
【邊間最好食】TOP7 酸菜魚！本地名店勝美版太二廚十三 川菜館大比拼｜記者試食｜
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
