梅丘壽司の美登利青衣開分店！日本直送刺身＋午市壽司套餐｜青衣日本菜
撰文：Jacky、Helen、Joan 圖片：Jacky、美登利官方網站、網上圖片
梅丘壽司の美登利到港！CP 值高人龍店
相信去過的朋友，都會聽過美登利這個名字。舖頭一向出名用料新鮮，材料大部分由豐州市場（前築地市場）直送，又選用山形縣飯粒及瀨戶內紫菜，而且份量慷慨，定價相宜，所以各間分店每日都會大排長龍，當中以位於澀谷Mark City的分店最甚，晚市輪候入座，要等上差不多1個半小時，就知道舖頭幾受歡迎！
套餐$200有找！平靚正壽司
大部分客人都喜歡點壽司套餐，十多件時令壽司，連前菜沙律，都只是¥1,600(約港幣112元)起跳，非常抵食。
青衣城分店 2月4日開張
繼上年10月登陸旺角店後，美登利將在年三十晚，即4／2登陸青衣城，食材由日本店直送，壽司都是即叫即握，保證新鮮，而青衣店和旺角店的Menu亦完全一樣，最近旺角店才剛推出的午市限定壽司定食，青衣店都會同樣供應，率先睇有咩食！
梅丘壽司の美登利青衣開分店！日本直送刺身＋午市壽司套餐｜青衣日本菜
主打平靚正壽司的美登利，繼上年11月登陸旺角後，青衣城分店亦即將於2月4日（年三十）正式開業，即睇有咩食！詳情：www.weekendhk.com/793240＝＝＝＝＝＝＝＝＝＝＝＝＝＝＝＝【銅鑼灣美食】8間餐廳合集 日本厚燒班戟＋88折和牛自助餐＋北歐風露天Cafe詳情：www.weekendhk.com/895205＝＝＝＝＝＝＝＝＝＝＝＝＝＝＝＝【邊間最好食】Top 8蝴蝶酥禮盒 尖沙咀酒店色香味全 連鎖店層次分明｜辦年貨詳情：www.weekendhk.com/896636#新假期飲食 #日本菜 梅丘壽司美登利總本店（香港）
Posted by 新假期周刊 on Friday, 1 February 2019
青衣城平嘆日本過江龍美食
美登利青衣店開在青衣城G層，正正開在另一間日本過江龍-天丼對面，天丼於上年12月開張，主打平價天婦羅丼飯，套餐最平$49就有交易，看來到時兩店都會大排長龍了！
梅丘壽司美登利總本店（青衣店）
地址：青衣青敬路33號青衣城地下G24及G25號舖（顯示地圖）
營業時間：12nn至11pm（最後落單時間：10:30pm）
開張日期：2019年2月4日
備註：2月5日（年初一）休息
選址旺角！2018年11月2日旺角店開業
美登利在香港開設的首間海外分店，選址旺區旺角雅蘭中心，香港店的食材由日本店直送，新鮮甜美，除了總廚會不時坐鎮香港店監場外，還有一位在日本美登利工作達11年的師傅長駐香港，壽司質素有保證！同時，店內menu 90%跟足日本店，大熱的吞拿魚、原條穴子壽司都有，即看香港店其他食物！
梅丘壽司の美登利
【香港旺角分店】
地址：旺角雅蘭中心202號舖（顯示地圖）
開幕日期：2018年11月2日
營業時間：12nn至11pm（最後落單時間：10:30pm）
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
