20大必買曼谷手信｜Chidlom新開超市Central Food Hall瘋狂掃
Text：Oguma｜Photo：Manson
01｜Oreo Cookie & Cream味爆谷
泰國人看來很喜歡吃爆谷，超市都入得特別多不同口味的爆谷，這款Oreo出的Cookies & Cream味甜甜地，又比普通焦糖特別。
02｜是拉差辣醬味爆谷
搵不同口味的薯片零食是去旅行一個重要mission，居然在Central超市找到這款罕見是拉差辣醬的爆谷，雖然有點貴，但忍唔住即買即開嚟食，食落唔太辣，好惹味。
03｜Elephant King 蛋卷
蛋卷在泰國都係極受歡迎的小食，這款是泰國華僑推介的，內裡有檸檬餡及用椰奶做蛋卷皮，十分香脆。
04｜Jim Thompson 椰青肉脆片
泰絲大王Jim Thompson不單出的絲織品受歡迎，近年亦有發展飲食業，除了有餐廳，仲有出食物，呢款健康的乾果系列嘅椰青肉脆片，味道輕怡又低卡，送畀女同事最啱。
05｜Jim Thompson咖喱蟹味米餅
香口嘢方面Jim Thompson有呢款咖喱蟹味米餅小食，香脆惹味，盒裝雖然阻位置，但真係要買多兩盒。
06｜Jim Thompson 雜果乾
嫌一款果乾太悶，不如揀一罐罐雜錦的，都係Jim Thompson出品，內裡有齊芒果、菠蘿、柚子皮及椰子，罐子亦充滿熱帶色彩。
07｜榴槤拖肥糖
榴槤粉絲在這間超市好忙，因為超多榴槤副產品，呢款榴槤味拖肥糖，兩者原來夾在一起味道也不錯啊。
08｜Benefruit芒果乾
唔想買老土芒果乾，Benefruit的芒果乾都是百分百天然芒果，還有一系列罕見果乾系列，例如柑橘、榴槤、蜜瓜等。
09｜有機初榨冷壓椰子油
椰子油用途多多，煮食又得護膚亦得，這裡有不少獲美國認證的有機椰子油，價錢抵過香港。
10｜Thepprasit 有機野蜂蜜
泰國都出產不少蜜糖，貨架上有好多款式，這款百分百有機野蜂蜜更天然，食得安心。
11｜Doi Tung 咖啡粉
泰國人謂這是他們的星巴X品牌，有不同款式烘焙的咖啡豆。
12｜The Coffee Bean掛耳咖啡包
方便好用的即Drip咖啡包，這牌子都得到泰國導遊的推介，讚其夠香濃，一包有10杯，帶返公司齊齊沖都唔錯。
13｜Jim Thompson香草茶包
來到泰國點少得香草，Jim Thompson亦有在自家Cafe供應不同的香草茶，這款茶包在可超有就買到，此為香茅及桑葉茶，另有不同口味。
14｜小紅罐泰式茶
如果你都想自家沖泰式奶茶，那一定要買這小紅罐，不少賣泰式奶茶的店都標榜用這小紅罐，是極人氣之選。
15｜真精蜂蜜薑茶
好有古法感的蜂蜜薑精即沖飲品，冬天飲都幾好呀，在泰國唔使暖身，但買返香港備用看門口。
16｜蝶豆花洗頭水
泰國人骨子裡很浪漫，超喜歡用蝶豆花泡茶、煮飯等等，染上一片浪漫的紫色，這洗頭水加入蝶豆花不過應該唔會洗到一頭紫色。
17｜榴槤造型番梘
泰國水果多，榴槤果王雖然未必人人啱，不過番梘就個個都用得着啦。這個更是一個開咗的榴槤造型，幾得意㗎。
18｜蒜頭豬肉臘腸
泰式中菜的臘腸，同中式的唔同，不會那麼硬，蒸又得，用來燒烤都得㗎。
19｜泰國香米糙米
泰國都有一些皇室支持的產品，用作推廣農作物。泰國的香米一向都好吃，大家不妨入貨。
20｜混合有機米三種
內有糙米、紅米及黑米，都是皇室計劃的出產並且以有機種植，包裝上建議大家米與水的比例為1:1.7左右。
