司徒瑞祈 追夢開小食店 自家黑糖冬瓜茶+即製炸物 |慈雲山食乜好|

撰文：ning 攝影：Tony、相關機構

出道十年 決心追夢開食店

講起阿水 司徒瑞祈 ，可能你會想起游泳港隊、中學時睇過的青春愛情劇《赤沙印記@四葉草2》，甚至兒童節目《放學ICU》。為何突然唔做藝人，開店做生意？阿水說：「開小食店是自己多年來的夢想，自己也喜歡煮食，閒時煮給朋友吃，也會hashtag阿水廚房。」

在TVB工作十載，阿水數年前開始思考自己的藝人前路。「繼續留低，可能仍是兒童節目主持，年紀再大，可能變做《都市閒情》，再老啲，唔通做老友記節目？但你保證不到公司會點樣安排。趁著自己還年輕，不如嘗試move on一步向前走，做另一些自己喜歡的事。」於是今年4月，阿水決定離開TVB，在慈雲山開店追夢。

不嫌辛苦 日做15小時

每日早上8點開舖，由早餐賣到午餐，再到放學的下午茶時段，七點關門，還未計開舖前及打烊後的準備工作，更撈埋電話落單，辛苦嗎？阿水說：「當然辛苦當然累，但我的座右銘是辛苦之餘，要做得開心，開心地去做這些辛苦事，對我而言是充實的。」

以往做藝人，快樂可能是知名度，阿水說現在做老闆的快樂，是可以自己話事，以及那些努力經營後，所獲得的回報、街坊讚賞、意見和支持。「有些街坊會來教我煮，甚至幫手煮嘢食，試過唔小心燙傷，店內足足有十款藥膏，全都是他們送來」，單從採訪當日所見，阿水陪老人家聊天、和小朋友玩樂、對新客的熱情招呼，就知道他很享受這種無明星架子，最純粹的街坊人情味。

熬煮4小時 自家製冬瓜茶

店內主打各類小食、意粉和特飲，全部即叫即製，固定Menu的食物選擇多達廿款，更有天天不同的芝士意粉，又會不時推出限定沙冰及甜品。

食物當中不少是自家製，波友、學生稱為「救命茶」的黑糖冬瓜茶，每日用鮮冬瓜及黑糖煲最少4小時，再打成蓉來沖製，夏天飲夠晒清熱解暑。而且甜度比台式冬瓜茶低，飲落舒服順喉，更食到冬瓜蓉。

飲埋限定沙冰 人氣炸物

除了冬瓜茶，沙冰也是人氣之選。名字趣怪搞笑，阿水話有gimmick先會有人留意，例如粉紅色的「少女心事」、「救命奇冰」等。必飲「青檸瓜冰」，用檸檬和青瓜加冰製成，酸甜清涼，飲完非常冰爽。

喜歡掃街食炸物的，炸春卷都是人氣熱賣，自家包製，用了冬菇、木耳、蘿蔔和沙葛做餡，不加肉，素食人士都啱食，炸到脆卜卜，內裡的素菜餡調味剛好，食到蔬菜甜香。

另外還有一口肉桂西多士，所用的麵包來自新蒲崗的麵包小店，也是阿水的堅持，希望撐小店之餘，也慢慢建立小店聯盟。麵包切成多士粒再炸，面層灑上肉桂粉、糖漿和煉奶，香甜又飽肚。

多啦A夢珍藏品+限定蛋多士

店內有不少多啦A夢擺設，除了掛滿櫃枱，也放滿門前的格仔櫃。唔止襯晒店子的藍白色調子，原來也是阿水的最愛。當中不少是自己的私人珍藏，也有街坊送贈的。

喜愛多啦A夢的阿水，更推出限定的多啦A夢雞蛋多士，將雞蛋用模具變成多啦A夢的樣子，令平平無奇的烚蛋變得可愛。

阿水廚房 Water Kitchen

地址：慈雲山毓華街80號地下B3舖（顯示地圖）
電話：9649 6438
營業時間：8:30am – 6:30pm
備註：以上營業時間為暫定，稍後或會再作調整，詳細營業時間及每日限定之食物款式將於Fb專頁公布。

&t=17s

延伸閱讀：