唔識睇emoji好危險！女友WhatsApp解碼攻略 詳解9個口是心非emoji｜網絡熱話

撰文： Tsz ｜圖片：電影《我的少女時代》截圖、電影《比悲傷更悲傷的故事》截圖 、Get Emoji、韓劇《喜歡的話請響鈴》劇照

女友9大WhatsApp emoji 錯誤解讀會出事！

嚴重程度輕微

1. 微笑眼emoji是警號？

女友簡單一個微笑已經可以殺死人，真定假我都分不出。

2. 似笑非笑emoji有啲野

介乎有笑同無笑之間：唔係好合意，唉！不過是但你。

嚴重程度初級

3. 冇嘴emoji要小心

以下呢個都係不容忽視的可怕emoji。初初收到好似無大事發生，跟住⋯⋯又會演變成微笑三步曲無限loop！表面安全，但暗藏殺機。好多時都會出現於：

男朋友：做咩事啊？
女朋友：無啊
之後⋯⋯

十居其九，都是女朋友現在有點不開心，想你哄她。

4. 禮貌式假笑表達距離感

兄弟們要認清禮貌式假笑唔係真係笑！

嚴重程度1級

5. 微笑emoji真係笑笑口?

通常whatsapp收到女朋友仔這個疑似「蒙羅麗莎的微笑」的emoji，男朋友仔即刻心驚膽跳，心想：天啊！我又做錯左咩！以下對話內容，如有雷同，實屬不幸。

女朋友：你聽晚有乜做啊？

男朋仔：同同事食飯／同死黨去打機（總之你約左人）

女朋友：

嚴重程度2級

6. 笑笑口emoji好比生化武器

接住下來，當你激嬲完女朋友之後，你已中左第一大伏。當然，通常這個時候，女朋友仔都會繼續（扮）大方，希望一眾男朋友仔可以盡情去玩。通常，還會運用一個好慈祥（假到喊）的笑容。令一眾男朋友仔收到之後可以「放心去馬繼續玩。」

應對方案1：陪Friend。結果：女朋友秋後算賬。

應對方案2：立即放兄弟飛機去陪女朋友。結果：係兄弟面前無面加被批鬥。

高手應對方案：係女友面前表示其實好想陪佢，但係一早俾班friend約左真係無辦法（被動），然後重點係要即刻約你女朋友另一日睇戲／食飯／去Cafe／野餐／打卡（佢鍾意嘅活動），總之就要將佢嘅注意力轉移去你已計劃和她去拍拖的活動上。

嚴重程度3級

7. 微笑加bye bye（最怕就係佢）

當你知已經出事，令女朋友生氣時，想盡方法補求，盡快哄她開心時，她永遠都好像懂讀心一樣，知道你下一步想怎樣。同時好體貼地表達她沒有生氣，我真的沒有生氣。

終極級：無表情符號

如果連表情符號都無埋，姐係表示佢要爆喇，兄弟們，準備受死喇，祝你好運。

毫無殺傷力

8. 噴氣emoji=其實唔嬲

如果女友send嬲豬的emoji其實通常都係扮嬲，純粹想你氹氹佢，或者逗趣一下，但男友都要識做點，拖得耐就有壞事等待你了。

9. 嬲豬emoji=想R下你氹 增添情趣

另一個嬲嬲emoji都係同樣道理，其實佢無嬲，只係想係無聊嘅生活中增添一點情趣。

女朋友生氣的三種層次：

如果她說：有少少生氣，不算好生氣，但都要盡快哄她。

如果她說：好生氣，即刻真係好生氣，要快點補鑊。

如果她說：無嬲，我無嬲喎～（證明她真是超生氣。）

只能說你今次大件事了。Gameover！