馮盈盈孖羅家英齊聚《飲茶》午聚活動 預告將開新教育公司

在活動中，羅家英分享了拍攝《飲茶》節目的一些難忘經歷，他說：「我哋成日嗌交，先口角，下一步就要鬱手。」關楓馨也分享了一個小插曲，她笑著說：「大包突然之間唔小心跌咗出嚟。」而馮盈盈則補充道：「有一次拍節目唔小心成個包飛咗出去，咁就正宗賣大包！」此外，羅家英還透露了他即將因工作原因與妻子汪明荃暫時分隔兩地，並表示三個月後才能重逢。

馮盈盈預告開新教育公司

馮盈盈在活動中透露了她即將開設的新公司計劃，她表示：「嚟緊會開自己嘅教育公司，就做教育事業為主。」她也提到目前暫時沒有電視劇的拍攝計劃，但有新節目即將播出需要她進行宣傳。

當被問及與麥美恩的合作時，馮盈盈坦言：「有合作過。」羅家英則快速回應：「唔好講！佢好好人，好大方。」馮盈盈繼續說：「佢係好好嘅一個主持人。」此外，關楓馨也澄清了之前關於她在停車場「遇劫」的傳聞，她解釋說：「唔係呀！純粹拍片，做戲嘅啫。」她還透露影片中出現的Labubu是屬於她母親的，並強調自己沒有收藏的習慣。

馮盈盈增添書卷氣息眼鏡娘造型勁可愛

馮盈盈嘅眼鏡娘造型大家見過未，FYY曾經現身《愛·回家之開心速遞》，一時純情四眼妹，一時換上浴袍冧到廢青安、朱凌凌無限FF。

飾演島大FYY：我似馮盈盈？我覺得佢靚啲

無綫長做長有的《愛·回家》系列一向深受一家大細觀眾歡迎，更加係收視保證，今晚《愛·回家之開心速遞》主題是《島大FYY》，而有名你叫FYY嘅馮盈盈會驚喜現身，飾演劇中香港島大學飯堂的燒味部女神，馮盈盈更以眼鏡娘造型示人，不時怕怕醜撥頭髮，打扮斯文，金城安（周嘉洛飾）、朱凌凌（吳偉豪）和艾頓壯（焦浩軒飾）被FYY嘅美色完全吸引，仲大讚佢好似港姐馮盈盈，FYY輕撥頭髮羞答答話：「吓﹗你哋覺得我似馮盈盈呀，我覺得佢靚啲﹗」不過鏡頭一轉，FYY邀請三人做人體模特兒，而佢自己率先換上白色浴袍然後叫廢青安、朱凌凌快啲同佢一樣換上浴袍，搞到佢哋開心到跳起。

P圖中亮相《愛．回家》

其實傳出馮盈盈會加盟《愛·回家之愛心速》已經傳咗好幾年，而喺幾個月前更加亮相，劇集講到阿壯（焦浩軒飾）在島大飯堂經常得到大芬姐的特別照顧，次次都私人醒加料大餐畀佢，事源係因為阿壯將經常自稱「島大馮盈盈」飯堂職員大芬姐P成馮盈盈，氹得大芬姐好開心，所以每次都特別加料，令廢青安等人好生羨慕，馮盈盈就係P圖度「客串」過喇﹗而今次係真人現身，當然有驚喜得多啦﹗