奪命提示｜童星「子瑜」鍾嘉佑爆喊騷超強演技 越大越靚女IG狂騷才藝

奪命提示｜張振朗「契女」鍾嘉佑演技勁出色

鍾嘉佑在第16集中繼續擔任重要角色之一，意外被恐怖分子盯上嘅嘉佑除咗繼續演活病重角色外，被綁喺車內嘅嘉佑仲會大騷超出色喊功，超緊湊劇情狂展示演技！

奪命提示｜鍾嘉佑越大越靚女 才藝多到爆

13歲嘅鍾嘉佑更係越大越靚女，相比起2023年參與拍攝時嘅樣子，現時嘅鍾嘉佑可以話係女大十八變！而除咗演技了得之外，鍾嘉佑其實亦才藝多多，曾於學校朗誦節獲得英文朗誦亞軍嘅佢原來仲係一位「舞林高手」，更會不時在社交平台分享自己跳舞嘅片段，認真叻女！

「安仔」曾提名金像獎最佳新演員 有「鋼琴尖子」美譽

至於飾演安仔、現年13歲的何珀廉（Curtis）亦來頭不少。曾接拍不少廣告的珀廉，除參與過《金宵大廈2》、《美麗戰場》、《羅密歐與祝英台》等共13部劇集拍攝，2023年更曾憑電影《年少日記》的演出提名金像獎最佳新演員，實力不容忽視。除了演藝成就，Curtis還被譽為「鋼琴尖子」，只有13歲的他已同時擁有鋼琴演奏級、小提琴六級文憑及八級樂理佳績，亦曾奪得多個香港及國際鋼琴比賽的獎項。

Curtis媽咪接受TVB.COM訪問時開心Share Curtis還在努力開啟他的鋼琴之路：「佢兩年零之前正式入咗演藝學院讀青少年鋼琴課程，師隨李嘉齡老師，無幾耐之前同香港小交響樂團進行咗一場試演，同埋喺越南代表香港贏咗一個協奏曲冠軍，又喺日本舉行嘅《Piara國際鋼琴大賽》（日本中部極具指標性的青年鋼琴好手賽事之一）度攞咗第三名。」4歲開始學琴的Curtis，鋼琴之路並不是一帆風順，曾連續七次落敗「香港青少年鋼琴大賽」；但即使連何媽媽也苦勸他不如放棄，Curtis仍本著「我一定要贏到為止」的堅毅決心，最終在第八次終於成功贏得組別冠軍。

奪命提示｜鍾嘉佑超強喊功勁搶fo

在《奪命提示》中一出場便成功憑喊戲贏盡關注的鍾嘉佑，鍾嘉佑絕對是是次單元的MVP，除了喊功一流，Cutie甜笑靚樣更獲得網民一致好評，不少網民留言支持她長大後加入娛樂圈：「真係好靚女，前途無限。」

在第6集中，嘉佑的角色意外發現鄧智堅是殺人兇手，流露出來的強裝鎮定及驚嚇樣相當自然及有說服力，就算拍住2022年奪得「最佳男配角」嘅鄧智堅都完全唔輸蝕！唔少網民對於她的好演技嘖嘖稱奇，留言大讚：「妹妹可以同娜姐爭最佳女配！」評價極高。