東張西望｜港女搭商務艙遇座位及電視故障 獲賠償呢個金額+里數仍感不滿

搭商務艙竟無法調校座椅

事主郭小姐受訪表示，去年12月和家人一家三口前往日本大阪旅行，為了可以在飛機上好好休息，他們選擇乘搭商務艙。然而，事與願違，事主發現其座椅無法正常調校，當時有向空姐提出問題，空姐回答表示「電源接觸不良」令座椅無法調校，其後事主有提出換位亦要求，但空姐又以「飛機滿座」為由拒絕要求，無奈下她選擇向航空公司提出退款賠償的要求，當時機艙經理就表示會提供相關協助，並承諾回港2日內就會受到航空公司聯絡。

郭小姐和家人在大阪旅遊6日後回港，但回港幾日後仍然未收到航空公司聯絡，直到2025年1月初才收到對方電郵回覆。當中寫道，航空公司對事件深感抱歉，並表示會給予$2,500的賠償金額。郭小姐透露，商務艙機票價值約2萬元，對航空公司僅賠償不足四分之一的金額而深感不滿，遂再聯絡對方要求合理的賠償。

連同機上電視也無法使用

相隔一個星期，航空公司再度致電回覆郭小姐。對方表示，公司最多只能賠償$2,500；此時郭小姐又指，除了座椅無法調校，其實連同其家人的座位電視也出現故障而無法使用，大大影響其一家人的飛行體驗。航空公司就此問題選擇額外給予18,000分的飛行里數。

但郭小姐顯然感到不滿意，「我覺得唔合理，亦唔責任囉」，遂轉向《東張西望》報料投訴。事後《東張西望》亦聯絡過涉事航空公司，惟目前仍未收到對空回覆。

網民反應兩極

報導播出後隨即引起網民熱烈討論，有不少網民支持事主討回合理賠償「公道講，比咁貴坐商務個環境係最重要，凳同電視都壞已經好影響個體驗，賠3分1我覺得係基本啦」、「其實呢2,500蚊點計出來。我唔明留言覺得賠得合理。最正常係咪降grade去經濟艙。賠返個差額呢。依家重衰過坐經濟艙」、「啲人真係越來越反智！ 明明係航空公司貨不對版收咗錢提供唔到相關服務，反而去責怪個乘客要求賠償。 乜鬼嘢賠2500蚊算好咁都噏得出， 公司高層見到掂曬啦！ 以後啲凳爛都唔使整， 照買比啲客睇下邊個咁唔好彩最多賠返二千五蚊比佢都有賺」、「又啱喎！比著係你哋二萬蚊買張機票張櫈壞嘅賠返$2,500，你哋接唔接受先？我就唔會接受喇，收得人錢就要確保比到服務啲客。而唔係咁樣輸打贏要，求其敷衍了事」、「$2,500+幾千里數真係少。去海關報佢商品說明條例啦，D大公司要玩得夠大先肯賠㗎」

不過亦有不少網民認為事主不知足「不可能全費退還吧！畢竟你已坐足全程飛機，已享用飛行服務。$2500元大概已經半費退還了」、「唔全額賠一半都好合理」、「電視睇不到都要投訴？ 來回2程飛機，一程座位不能調教座位，另外一程您也享受了，上機前Lounge 您又食了，飛機上商務餐又食埋，咁都要航空公司refund，仲要上東張浪費人力物力」、「退番二千五蚊俾你咪算好囉，衰啲淨係俾飛行里數你呀」、「貪得無厭 兩萬蚊買商務係來回 即係一程一萬蚊 你用咗優先上機、行李重量、貴賓室、食咗餐…..賠返二千幾蚊俾你，好合理 電視機壞咗賠幾千分里數，下次咪可以free upgrade 咁都報東張？！ 香港人果然鐘意投訴攞著數」、「條數要點計先合佢心意呢？雖然壞咗，但位佢就坐咗的確空間大咗好多，餐又食埋，目的地又到埋，就算用ey正價扣都唔多對路」、「好多疑點壞位，基本上上飛機前應該會知道，除非外站做漏野，或者佢唔好彩，當時先壞，咁咪當唔好彩。咁佢有用個餐，賠返錢俾佢算係咁，佢又享用個餐、Baggage allowance多啲，又entitle入lounge，呢啲service佢有享用」

另外亦有人揶揄「應該從賓客一世免費任坐商務位」、「最好賠一世任搭啦」、「洗唔洗送一世免費商務位比你坐？」