移日港夫婦冇錢創業拒返工被鬧爆 Brian鞠躬致歉竟向網民提出2大訴求
相關文章：港夫婦裸辭移日全職拍片 冇錢生活竟叫觀眾咁樣做 網民力數3宗罪
Brian鞠躬向觀眾道歉 求網民手下留情
Brian表示原先想透過頻道展示最真實的一面，豈料弄巧反拙給人一種傲慢的態度令人反感，直指自己開通會員收費計劃是一個錯誤，而這一個錯誤，令自己與妻子這一個星期承受極大的壓力，與此同時非常感謝理性給意見的網民：「好多謝你哋，俾我聽到你哋真誠嘅建議，令我睇到自己有盲點，接下來一定會改進自己嘅問題。」決定並會在下一條影片分析自己的錯誤之處以及之後的留日計劃。
Brian表示儘管自己有不足之處，但希望網民停止人身攻擊，以及不要再性騷擾妻子Luna：「大家都唔希望呢啲事情喺你哋嘅兄弟姊妹或者家人身上發生，覺得啲留言都唔需要咁過分」最後指出自己的行為以及言論影響到大家，因此向大家道歉。
Brian鞠躬向觀眾道歉 網民反應兩極
影片出街後已經有不少網民留言，就有人支持表示：「誠懇坦白係好嘅第一步，肯接受意見亦係成功嘅開始，加油」、「你真的有個很好的老婆 真的要珍惜 願意和你同甘共苦 加油」、「你地只是太年輕, 希望你們會係今次呢件事上學到野, 上到保貴的一課, 希望你地內心會變得強大, 你要知道好多人都好賤, 心地唔好, 特別係網絡世界」、「其實路係自己行嘅, 行錯路就改, 無問題, 自省及反思有助你行人生道路. 做得YouTuber等公眾人物就有心理準備接受批評及攻擊, 絕對係難受的, 不容易」、「其實邊個未糊塗過？我認為呢件事應該到此為止，道歉唔係同其他人交代，係同自己交代。有勇氣道歉已經好好。」
不過亦有人認為Brian根本仲未知錯：「原來條對不起嘅片 係叫啲觀眾講對不起」、「大佬，你拍條2分鐘嘅道歉片都要攞住手機睇稿 （係睇稿都係鏡頭背面啦)）點做youtuber做到紅得起呀……」、「道個歉都見到你唔忿氣搵 D 位話返人, 真係世界級」、「第一次睇道歉片，一半時間係X緊觀眾」、「你本身條片都係得2分鐘咁短,就咁出黎講句大家好對唔住,我會吸收大家既留言改進,希望大家比次機會我之類一分鐘就搞掂,而家你2分鐘入面有分幾鐘係[教育]緊網民,你而家出黎道歉定控訴網絡呀?放唔底姿態既咪無道歉囉,大聲講一句吹咩就搞掂」。
