奪命提示丨27歲劉穎鏇從演8年以來喊得最甘 騷長腿動作場面搶先睇！

劉穎鏇認從演8年以來喊得最甘

Tiffany則指是次除了要挑戰更多和更高難度場口外，還要應付不少內心戲及喊戲， Tiffany接受TVB.COM訪問時，坦言是次是其八年拍劇生涯以來喊得最多的一部劇集：「今次要喊嘅次數同程度，係突破晒咁多年以嚟嘅經驗。」

談到以往曾直認拍喊戲不容易，Tiffany表示隨著經驗的累積，自己確實比以前容易理解及進入狀態，並謂今次要特別感謝監製Jazz的循循善誘，以及拍檔張振朗的用心交流！「每次我哋拍呢啲感情戲，Jazz都會特別令到成個氣氛／環境好安心，佢拍之前會問我哋係咪熟晒啲對白、係咪ready好，只要我哋ready好就會即刻拍，咁樣好畀到信心我哋，令我哋演起上嚟都有信心啲。」

劉穎鏇大爆同張振朗合作感受

Tiffany表示：「至於振朗，呢套劇我哋好多場口都一齊拍，而好多時我哋都會事先溝通咗先，可能係度吓嘢又或者分享吓大家對唔同場口嘅睇法，次次我哋都好踴躍咁去討論點樣可以令成場戲更加好，會加好多細位同埋jam啲嘢出嚟，等啲有情緒嘅戲份可以更有support。」

《奪命提示》劉穎鏇大曬煞食長腿

TVB劇集《奪命提示》將於3月17日首播，文偉鴻帶領眾演員出席宣傳活動，「Jazz女郎」劉穎鏇（Tiffany）和劉佩玥（Moon）都有大曬煞食長腿，活動中播放了多條預告片，展示了劇中激烈的打鬥場面，郭柏妍自言在劇中也有不少動作場面：「我收到劇本時都好擔心，但Jazz是係因材施教嘅人，佢知道我嘅能力，會搵一啲合適嘅嘢畀我去做。」Jazz就評價郭柏妍攻擊力非常大：「因為佢可以立即KO張振朗！」劉佩玥也分享了與Jazz合作的經驗：「我有一次問Jazz可唔可以分開拍，佢話『唔得！』之後佢同我講我一定會做到。我有時都會質疑自己，但Jazz好好，會喺旁邊畀鼓勵我，就係呢啲支持，就係一種好大推動力量，令我不停去突破，去做得更好。」

Jazz搵劉佩玥做主角 劉穎鏇孖張振朗拍抽心戲

Jazz就分別評價劉佩玥、劉穎鏇和郭柏妍︰「坦白講，大家都有進步空間，但今次佢哋係做到超越自己應有水平以上，我好滿意！我今次搵Moon做主角，佢喺戲入面可以話畀觀眾知，佢係有呢個氣場喺度，佢係好impress到我哋。而Tiffany就畀人印象係好鮮明，係動作打女，但佢今次接受好多挑戰，就係感情戲上面開啟咗emotion嘅場口，特別係佢同張振朗有場抽心嘅戲，會令大家印象深刻。至於郭柏妍開頭好驚，未知點去做打戲，但大家會睇到，佢係非常好！」