港夫婦裸辭移日全職拍片 冇錢生活竟叫觀眾咁樣做 網民力數3宗罪
港夫婦裸辭移日做全職YouTuber
YouTube頻道《Brian在日本住》約有6,600人追蹤，Brian、Luna夫婦二人在日本working holiday並打算創業，因此就要考慮不同的簽證留在日本。但Brian在片中直言，夫婦二人不會考慮工作簽證：
「因為如果嚟日本打工嘅話，已經係違背咗點解我哋當初嚟日本嘅初衷，如果真係想一心嚟日本打工嘅話，基本上就會見到呢個頻道，相信大家都明白我係到講緊咩嘢。」
他續指，二人曾經考慮過日本留學簽證，但發現一同入讀語言學校的成本高達逾10萬，且未包含生活費，加上二人已經考取過日本語能力N2資格，所以認為沒有必要再浪費金錢；其次就是「經營管理簽證」需要有500萬日圓（約25萬港元）以上的資本金才能申請，Brian坦言這才是他的「終極目標」，但就因為資金問題而一直無法申請。
所以二人最終選擇「創業簽證」，門檻比「經營管理簽證」低，不需要任何資金，只需向日本政府提交事業計畫書，成功後就能留在日本長達2年時間，並希望在這段時間內湊夠500萬日圓（約25萬港元）資本金。Brian又分享將來的創業項目：
「一定係幫助好似我哋一樣，係一個普通人想透過低成本的創業項目去移居日本，」
僅帶半年積蓄堅持不工作 望觀眾金錢資助
不過二人當初裸辭後只帶著半年積蓄去日本，但即使加上YouTuber頻道收入，仍然未能支撐起日常生活開支及頻道發展。Brian坦言，資金是他們留日追夢的一大難關，因此未來會開設「會員制」望大家多多支持。他又指，自己只是個普通人，所以希望這番說話能讓自己掙扎一段時間：
「我哋作為普通人憑甚麼開會員，直到睇到觀眾留言，發現可能正正就係因為我哋係普通人，我哋都要追求自己理想，正正係呢樣嘢令大家產生共鳴，令觀眾想支持我哋。」
YouTube頻道《Brian在日本住》的會員制會分成3個等級，分別是$50、$100和$800，而加入會員的好處是支持夫婦二人繼續留日創作，其次是提升頻道質素，「其實我哋依家基本上係用iPhone影，所以都想有少少資金，提升器材去買Gopro之類」，二人又表示想拍其他題材的影片，例如訪問申請經營管理簽證的移日港人、探訪少人去的偏遠地方，而加入會員就能提供交通費。
第三個好處便是有更多的真實直播互動。Brian表示在日本不是靠打工，而是靠創業留在日本發展的話，並非一件容易的是，如果要維持生活及頻道發展，去除YouTube從中抽取的利潤，假如第一個等級的會員去計算，至少有428人加入：「其實個定價就係請我哋喺日本食餐飯啫，基於大家對「請餐飯」嘅定義唔同，所以就有3個等級嘅價錢。件事絕對唔容易，但係想拍更有價值嘅內容嘅大家」
網民狂數3宗罪：根本就想免費旅行
影片出街後，不少網民認為Brian夫婦的做法令人費解，創業簽證雖無500萬日元資本要求，但做生意需要成本，生活費也需證明來源。他們裸辭兩年耗盡積蓄，還一心拍片無本生利，更有網民數《Brian在日本住》3宗罪，鬧爆二人的能力不足以支撐夢想：「精彩！之前話自己拎住工作假期簽證，但堅持唔返工，因為要創業，然後依家發展到叫人捐錢俾佢哋維持生活，真係一條龍服務——由『唔返工』進化到『靠觀眾打工』」
1.利用觀眾善心
網民指出《Brian在日本住》強調「唔返工係原則」，結果之後表示「生活費唔夠」，最後就話「各位支持下？」，本來話自己係創業家，但創業創到變眾籌；本來想靠創業搵錢，結果變成靠創業搵捐款。佢哋終於搵到一條收入來源——但唔係生意，而係觀眾善心。
2.日文能力僅N2水平
佢哋又唔係完全唔識日文，但水平一般，要創業仲要靠呢個語言能力，真係有啲難度。但佢哋可能發現，原來用日文做生意好難，但用中文賣慘好易！由「我要創業」變成「我要你哋幫我創業」，呢個策略唔知算唔算叫「靈活變通」。
3.用創業掩蓋「唔夠錢」的事實
內容係圍繞「創業追夢」，不過畫面開始由「唔返工」變成「唔夠錢」，本來應該係「YouTube廣告收入」支持生活，點知發展到「你哋捐錢支持生活」，咁觀眾變咗「贊助商」？
此外，不少網民紛紛開帖留言：「創業簽，的確唔駛 500萬資本金，但都唔係代表做生意免費架。做生意係要成本架，真係諗住拍片無本生利？」、「香港人做到x街，課金你喺果邊食靚壽司同追夢？ 」、「其實5百萬yen都唔係好多，你有plan係香港做住野儲都會做到，唔係應該有左依筆錢先去咩？」、「簡單d講就係叫你地助養佢係日本生活，所謂追夢只係佢自己本身又唔想做野，又想留係日本」、「笑,乞衣都有得電子化」、「有錢我都捐比岩手大船渡市火災援助啦」、「我睇一次，感覺好反感，後生仔女有手有腳，利用工作假期去日本，又唔打工，只講拍片想創業，但又唔佢地有具體實質計劃」、「佢兩條友懶過鬼，原本話一星期拍三條片，而家就減到兩條，重點係佢啲片無重點，成日話自己普通人又唔係讀咩名牌大學出身，家陣咩年代，仲有人會在意邊間大學出身，講到尾一切源於自卑」
點擊睇片：
