新聞女王2｜王敏奕率先爆角色有重大轉變 7字「躺平」回應恨攞獎

新聞女王2｜王敏奕率先爆「劉豔」有重大轉變

王敏奕近日接受訪問時提及已經收到《新聞女王2》嘅劇本，在第一季飾演新聞記者「劉艷」嘅佢就表示今集一定有驚喜，並透露自己嘅角色將會有重大轉變：「大家睇完一定會好似我睇到劇本咁『嘩！』」不過當被問到「劉艷」是否將會「黑化」時，王敏奕就大賣關子，表示角色嘅轉變十分大，僅鬆口風透露角色：「唔係人設上面轉變」。

王敏奕7字大方回應恨攞獎

王敏奕早前與高海寧一同出席活動時，高海寧就應監製要求將獎座帶到現場，不過高Ling就與活動上就表示自己僅帶「最佳女配角」一獎到場，因為「其他嘅留咗喺父母屋企，攞唔切」。

奪獎後工作量大增嘅高海寧就透露已經收到《新聞女王2》劇本，不過就未知開拍時間。反觀王敏奕近期就未有新作推出，不過佢就表示自己現時正忙於電影拍攝，因此希望《新聞女王2》於3月底開拍，等自己有幾日時間可以休息吓！

王敏奕2023年憑《新聞女王》劉豔一角獲提名「最佳你配角」，不過最後跑輸同劇高海寧，去年再憑劇集《婚後事》及《旁觀者》獲提名「最佳女主角」，可惜最後並未打入最後5強，與獎項擦身而過。王敏奕當日更被問到會唔會羨慕高海寧有獎攞，佢就表示：「遲早就會有㗎喇」、「有心就嚟㗎喇」，7字「躺平」回應自己恨唔恨攞獎。