蘇韻姿車廂收素描畫感動爆喊 網民反應超兩極險掀罵戰

蘇韻姿收素描畫 因1句淚崩車廂

從藝術家Cherry曬出的影片中可見，蘇韻姿在港鐵車廂內無意中成了其畫作嘅主角，Cherry更在不被發現嘅情況下完成了蘇韻姿的速畫，並在尖沙咀站將畫作送給她。蘇韻姿接過畫作後，感激之情溢於言表！

Cherry隨後還贈送了一個自己設計的小公仔，希望蘇韻姿能感受到被愛和被看見的感覺：「希望你見到時候，覺得自己被愛同被看見，加油。」這番話讓蘇韻姿瞬間感動落淚，最終兩人更擁抱告別。

蘇韻姿親自回應落淚原因

蘇韻姿爆喊嘅片段引起極大討論後，有傳媒訪問蘇韻姿為何收到畫像後會突然落淚，蘇韻姿就解釋大家在香港都匆忙生活，忽略咗一啲人情味。再加上蘇韻姿現時自己一個人在港生活，每逢大時大節就會掛住媽咪同兩個細佬，因此當日能夠在陌生人身上感受到被愛，便忍唔住爆喊。

網民反應兩極：點解咁多負評

不過影片一出，外界的反應就十分兩極，有部分網民覺得影片是造假加抄襲外國的影片：「如果好似我咁嘅樣嘅男仔偷偷地畫一個女仔嘅話，應該俾人報警都似」、「又唔見畫下我，然後俾人影住？！是不是歧視我沒有商業價值」、「幅畫係真，但劇本好假」。

不過亦有網民認為香港人太負面，影片本身是宣揚正能量，大家應該以正面的態度對待：「明明係一件正能量既事，唔明點解咁多haters」、「睇到啲comments其實好唏噓，香港人係咪真係變得咁可悲」、「其實我覺得係好事黎，點解咁多負評」、「香港人成日以為自己好醒，我諗香港人真係幸福指數低到一個點」等。