光榮冰室下午茶特價餐！$22西多士/$28葱油雞扒飯/$30乾炒肉片河

光榮冰室新推快閃1小時超平下午茶餐！最平$22西多士送熱飲

光榮冰室最近新推出超平下午茶餐，最平$22食到西多士，而招牌葱油雞扒飯都只是$28（加蛋$30），而星洲炒米、楊州炒飯、乾炒肉片河三款茶記三寶就一律$30，套餐仲奉送熱飲。不過由於成本問題，只限下午3時30分至下午4時30分供應，快閃1小時，暫定旺角及屯門店供應。官方在社交平台公布後，不少網民都留言表示「咁平點賺錢呀？」、「好抵食！」，大讚老闆有良心。

13款特價下午茶餐

光榮冰室是以抵食夾大件作招徠，於屯門、元朗、旺角均有分店。最近餐廳將價錢回到90年代，推出快閃1小時下午茶餐，提供13款特價茶記美食，包括$22西多士、$25豬扒包、$25沙嗲牛麵、$28葱油雞扒飯、$30乾炒肉片河等。份量無縮水，非常抵食！逢星期一至五下午3時30分至下午4時30分，暫定旺角及屯門店供應，只限堂食，不設外賣。

招牌三眼仔豬扒飯起家！

光榮冰室以秘制醬油碟頭飯聞名，其中詢問度最高的菜式，必是三眼豬扒飯，三隻太陽蛋伴豬扒飯，份量驚人，非常抵食！說到大件夾抵食，一定要試一下招牌巨型奄列，每份奄列均用上6至8隻雞蛋，再配4至5塊金妹火腿絲，用扒爐煎成香噴噴的巨型火腿奄列。旁邊還有塗上 Anchor牛油的多士，午餐或下午茶都夠飽。