中年好聲音3｜黃凱芹評審表現3大失望位 被質疑畀分鬆手 網民叫換人

黃凱芹做評審被狠批：講嚟講去嗰幾句

黃凱芹被邀請出任《中年好聲音3》的評判，不過大部分網民都對其表現評價麻麻。首先，大家都認為黃凱芹唱歌係好，但就唔識做評審：黃凱芹感覺有點自戀+自我，真係適合做評審咩？ 」、「黃凱芹講嚟講去嗰幾句」、「黃凱芹什麼大屋細屋劏房😰聽到厭」、「黃凱芹最唔好嘅地方係經常講「我唔係好知你之前唱成點點點啦！」其實剩餘嘅參賽者已經唔多，點解接呢個評審job之後，唔去聽一聽佢哋過往比賽片段呢？」等。

網民：海兒同劉美君更加識講嘢

其次，不少網民都表示今次換走伍仲衡，令評審們都變得更加鬆手，又認為伍仲衡能夠帶搞笑氣氛給觀眾，但暫時新評審們都冇一個能夠做到：「冇咗伍仲衡氣氛冇咁搞笑喎」、「黃凱芹講黎講去果幾句，陳奐仁幾好，有伍仲衡搞笑d」等。

有網民亦指希望海兒同劉美君都更加識講嘢，評語有到Point，希望能夠邀請兩位重回評審團：「咁多個歌手，個個hae做，係劉美君一個掂」、「海兒和美君同埋曾路德都識講野，到point」等。

黃凱芹唔識扣分

第三點，身為新評審的黃凱芹似乎明顯較為鬆手，黃凱芹更點評說劉洋冇俾機會比評判扣分：「我好難捉到你失誤嘅地方，表情、感情、台風、音色係攞到超過總分20分架，你係冇機會畀我扣到你分。」

陳奐仁句句窒住黃凱芹

黃凱芹的扣分制似乎引發了Hanjin的不滿，在評論劉洋期間，Hanjin不但強調這裏不是跳水比賽、沒必要採取扣分制，還直指扣分制有礙競賽者繼續進步，「你擺明可以唱得更加好，如果一嚟就20分扣分制，即係叫你唔好進步啦？」黃凱芹聞言即追問，「你即係話我啫？你擺明同我結怨喎依家。」Hanjin聽畢索性站起身「反擊」，「其實我係話佢（Chris），但佢唔使咁小氣。」氣氛搞笑。

陳奐仁曾指導《聲夢2》亞軍 黃凱芹不定期出現

陳奐仁本身參加過《聲夢2》，作為藍隊總監，有份指導亞軍Janees黃洛妍，作為音樂節目評審資格十足。而黃凱芹曾透露他因為檔期問題，只會不定期出現，不會成為常駐評審。

至於被問到是否負責代替伍仲衡和海兒的角色，陳奐仁接受媒體訪問時透露，他早在半年前就已經收到了擔任節目評審的邀請，不過就因為忙於嘅演唱會以及到外地工作，因此無緣參與節目錄影，更爆笑稱：「節目係咪換人，我就係陳奐仁」。而黃凱芹則表示他是在2個月前接到邀請，而當時並未傳出任何人事變動，因此相信今次只是巧合。