萬千星輝頒獎典禮2024｜一文睇清靚爆造型 吳幸美梁敏巧谷到盡鬥搶fo
萬千星輝頒獎典禮2024目錄
廖慧儀透視花瓣造型夠仙氣
今年獲提名新人獎嘅廖慧儀以藍色透視花瓣禮服現身，雖然今次嘅服裝較早前台慶保守，只係小露香肩，但係為頒獎禮紅地毯染新髮色嘅廖慧儀照樣獲唔少網民大讚仙氣爆燈！
曾文心緊身禮服騷纖腰
同樣獲提名新人獎嘅曾文心今日就以黑色緊身禮服登場，憑《反黑英雄》成功打開知名度嘅曾文心就收起劇中嘅招牌長腿，但係超貼身禮服就將佢嘅纖腰完美展現，十分吸睛！
3大東張女神鬥震撼登場
《東張西望》向來有唔少東張女神備受觀眾喜愛，今日吳幸美、梁敏巧及李旻芳就齊齊現身紅地毯，一登場就震撼唔少觀眾！而吳幸美同梁敏巧更係大騷事業線，不過同樣身材出眾嘅李旻芳就收起性感，以低調型格風示人，獲網民留言大讚！
何泳芍大Deep V爆笑稱娛樂大家
憑《港女野人》成功入屋嘅何泳芍（Honey）向來身材出眾，今日Honey就以超Deep V禮服登場，大騷事業線令唔少網民直言眼前一亮！不過何泳芍今日就搞笑表示係「嚟娛樂大家 」，似乎對獎項抱佛系心態！
姚焯菲公主風電爆fans
聲夢小花姚焯菲（Chantel）今晚就以黑色泡泡袖禮服現身，Chantel 一登場就引來現場觀眾瘋狂尖叫，睇嚟的確係成功俘虜唔少fans！
鍾柔美透視裝挑戰性感風
同為聲夢小花嘅鍾柔美（Yumi）今日就挑戰性感風登場，身材向來fit到漏嘅Yumi以黑色間條透視裝上陣，大騷纖腰零贅肉身材！
關嘉敏賣大包倒奶拎筆
今年人氣急升嘅關嘉敏就以金色禮服現身，大騷事業線上陣勁搶fo。而且關嘉敏簽完名後仲倒奶還筆，賣大包畫面獲唔少網民直言超識做！
陳楨枱劉穎鏇高衩上陣鬥騷腿
作為TVB2大高妹，陳楨枱與劉穎鏇今日就分別以黑色吊帶露背禮服，以及紅色露腰禮服登場，2大女神狂騷逆天長腿睇到唔少觀眾都直言勁養眼！
王敏奕變極仙氣玫瑰花
王敏奕今晚以粉紅超大禮服現身，雖然服裝冇行性感風，但係王敏奕嘅靚樣就已經獲大批網民力讚夠曬殺食！
陳曉華真空上陣狂騷fit爆身材
陳曉華今晚嘅服裝就可謂十分搶fo，皆因陳曉華嘅禮服除咗有高衩設計之外，真空上陣嘅Hera仲大方騷腰側嘅透視設計，性感程度爆燈！
楊茜堯林夏薇超華麗黑白上陣
今年獲齊齊提名視后嘅楊茜堯同林夏薇，就以黑白造型孖住現身紅地毯。楊茜堯嘅禮服就騷fit爆S型曲線，林夏薇則成為性感擔當，大方騷事業線加纖腰，超華麗登場嘅2人更獲網民連環大讚！
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
