UNO新玩法! 2款全新手牌~規矩任你加
1. 交換全部手牌（1張）
顧名思義，用咗呢張手牌，玩家可以同任何一位玩家交換手牌，當你d牌爛到絕境嘅時候，呢隻牌絕到可以救你一命。相反，以為自己就快贏咩？只要人哋一用呢隻牌喺你身上，咁就即刻扭轉逆勢了。不過咁，即使用咗都唔一定贏硬，好似試玩片段咁，被交換一方最後依然能夠獲勝，技術性擊到！
想知點解玩UNO要玩到咁嘅樣？下頁話你知另一款新手牌用法！
2. 空白牌（3張）
另一款新手牌嘅玩法就多好多變化，因為可以任意寫上任何規則，即係類似7級豬咁！當然可以好似試玩片段咁，寫上改變局勢嘅規則：每人將1隻手牌交到一名指定玩家手上。即係呢名被指定嘅玩家，一秒之內就會多咗好多手牌！
想搞笑d，亦可以加入呢類規則：講UNO時要配合奇怪表情。
如果畀我揀，我就會加入一d奇怪規則，唔一定要影響牌局，最緊要令本小姐玩得開心！例如係：唔准露齒笑、cut牌唔准講「cut」要講「切」、為咗令「被draw者」冇咁慘，「出draw者」draw人幾多張就要畀人畫返幾多筆顏料上塊面。
又係挑戰友誼嘅時候喇，大家快d約埋朋友一齊玩啦～
購買連結：http://www.unogame.jp
