4歲童搭巴士誠實認夠歲數 嫲嫲極力否認斥唔聽話 車長講1句獲網民大讚
廣告
近日北區發生一宗巴士車費糾紛事件，引起網民熱烈討論。有網民表示，日前搭巴士時遇到一位小童和一位嫲嫲上車，當車長詢問小童的年齡時，他如實回答已經4歲，但其嫲嫲則堅稱孩子未滿4歲，結果車長講出一句令嫲嫲無言以對，更獲網民大讚「做得好」。
九巴車費糾紛
有網民在Facebook群組「粉嶺皇后山關注組」上分享事件，上周一（2日）乘搭九巴78線巴士時，途經某個巴士站時有對嫲孫上車，此時車長就問小童幾多歲，小童毫不猶豫地回答說自己「已經4歲」；然而其嫲嫲馬上否認，聲稱孩子「過幾個月先夠（4歲）」。而小童聽見嫲嫲的否認後，馬上堅持自己的說法並矯正嫲嫲，甚至提到「上星期已經食過生日蛋糕」作證明。
縱使嫲嫲仍然堅持孫仔未夠4歲，但車長選擇相信孩子，故提醒嫲嫲「4歲就要買票，提吓你姐，唔洗教小朋友講大話既」，結果嫲嫲無言以對，付了車費後就坐在車尾。隨後，網民表示二人坐低後，嫲嫲竟然「打手仔」教訓孫仔，斥責他「唔聽話」。
網民熱烈討論
事情引起網民熱烈討論，不少網民除了對小童的誠實表示讚賞，亦大讚車長的那句說話「做得好」、「巴士車長好少查小朋友夠唔夠4歲，尤其有啲小朋友生得比較細粒；車長問得，即係小朋友都有啲高大」。
此外，大多網民都對嫲嫲的行為表示批評「為老不尊教壞子孫」、「有冇諗過父母都係同一做法，好多人價值觀己經唔同晒。道德已經無咗」、「咁樣做打手仔會令佢覺得講真話係錯，會比人打手仔，咁仆街喇，大個會不斷講大話…..」、「誠實是很可貴的，何必教壞小朋友」、「教壞孫仔！」
圖片來源：istock、小紅書
