超人氣即撈海鮮火鍋放題荃灣再開分店！$258任食4小時海鮮＋過百款配料

「千海水產海鮮火鍋放題」即撈海鮮放題 荃灣再開分店！

超人氣千海水產海鮮火鍋放題於荃灣開分店！繼續主打即撈活海鮮放題，最平$258任食四小時多達10款海鮮，包括花蟹、鮑魚、海蝦、沙白等，另外價錢仲包任食過百款火鍋配料、熟食、甜品和飲品，餐廳預計11月頭就會正式開幕相信又會引起排隊人潮！

《較早前九龍灣店報道》

九龍灣「千海水產海鮮火鍋放題」即撈海鮮放題！

九龍灣新開一間佔地過萬呎的火鍋放題店「千海水產海鮮火鍋放題」，午市$248（11月4日開始$258）就可以無限任食4小時即撈海鮮打邊爐，晚市最平$308任食2小時（11月4日開始$318），海鮮款式包括花蟹、鮑魚、蝦、沙白/蜆，全部放在魚缸供食客即撈，價錢仲包任食超過50款的火鍋配料、熟食、甜品和飲品，一開幕即成為預約困難店，booking爆滿，非常誇張！

8米長的魚缸！任撈10款海鮮打邊爐

大家最關心的即撈海鮮位於門口位置，8米長的魚缸提供10款時令活海鮮，包括花蟹、三點蟹、鮑魚、瀨尿蝦、花甲、灰蜆、白蜆、沙白、大頭蝦、基圍蝦、草蝦，客人可自助撈海鮮，再交給店員清洗，即撈即煮用來打邊爐！客人可以掃QR code揀湯底和肉類，餐廳提供10款火鍋湯底，記者特別推介龍蝦頭鍋用來淥海鮮，湯底鮮甜味濃； 肉類方面提供美國牛肩胛片、澳洲M5和牛、澳洲羊肉片、美國豬梅肉片，澳洲M5和牛肉質嫩滑，柔軟甘甜。除此之外，自助吧提供多款火鍋配料，包括廣島蠔、帆立貝、鵝腸、珍寶蟹棒等，選擇超豐富！

任食多款熟食和Häagen-Dazs雪糕

除咗打邊爐，現場仲可以任食多款熟食和雪糕，焦點包括鵝肝多士、川味燒鮮蠔、鹽燒牛舌、榴槤炸彈、原粒榴槤肉、麻辣小龍蝦、各式點心，另外仲可以任食Häagen-Dazs雪糕，以及手工生啤和日本清酒，這個價錢食到海鮮和過百款美食，真心物超所值，難怪一開張就咁多人訂位！