鐵達尼號確認2018年復活！更會駛經香港啟德郵輪碼頭？
於2012年「鐵達尼號」海難一百周年之際，澳洲富豪Clive Palmer成立的藍星航運有限公司宣佈將打造全新的「鐵達尼二號」（Titanic II）。斥資34億港元於內地江蘇省一間船廠重新打造，誓要令鐵達尼號復活，果然有錢就是任性。
Titanic II唔係淨係得個殻，而係實實在在嘅一艘郵輪。原本計劃會喺今年首航，路線與當年鐵達尼號一樣，由英國南安普頓開往美國紐約。但目前預計將於2018年開航，而路線就變咗由從中國江蘇航行至杜拜，比原訂計劃遲咗2年，真係好令人期待呀！
Blue Star Line官網發放咗一輯鐵達尼號before & after對比圖，畀大家吊住條癮先，仲可以重溫電影中嘅場面。睇完之後，發現真係複製得幾乎一模一樣，相似度係99%！如果大家有幸（有錢）上到Titanic II，不妨去到呢啲經典場景，扮吓Jack同Rose講返幾句經典對白。
頭等客艙
Café Parisien
大樓梯
當時嘅鐵達尼號，只有頭等乘客才可以使用大樓梯，唔知Titanic II嘅大樓梯會唔會開放畀所有人與眾同樂呢。相信大家都一定好記得大樓梯下嘅電影經典畫面，如果可以喺度影返張相，打卡呃like冇得輸呀！其實上一頁已經post過呢條大樓梯，而以下會同大家呈現另一角度。因為很重要，所以要post三次！！
Titanic II外觀展現咗原有古典風貌，但內核則會採用最先進的導航和安全系統，並配備現代化服務設施。聽到鐵達尼號，要你上呢艘船可能會覺得唔吉利，叫人又愛又恨。不過放心，Blue Star Line保證Titanic II會有足夠救生衣及現代化逃生系統、衛星定位以及雷達系統。Titanic II乘客量為2,435人，但有2700艘救生艇。一人霸一艘救生艇都足夠有餘，絕對唔會再好似Jack咁上唔到一塊明明夠位嘅木板，釀成悲劇啦。
Titanic II同原版一樣，分為頭等、二等及三等艙，提供約835間客房。船公司仲未公佈各級船票價格，但公司負責人話，已經收到世界各地嘅人問價，更有人開價超過一百萬美元，要求成為首航乘客。如果大家都想登上Titanic II，就儲定錢啦，船公司仲話郵輪不排除日後會來到香港啟德郵輪碼頭，唔夠錢買船飛，喺碼頭影下船身出面都好吖！
電影入面華麗嘅裝潢靚到”dum”一聲，而郵輪外觀按照原型打造，務求同原版鐵達尼號一模一樣，保證令乘客重回1912年嘅氣氛。事不宜遲，即刻帶大家上船睇下Titanic II有幾豪華。
Blue Star Line網頁：http://www.titanic-ii.com/
