的士司機嫌機場接呢類客惹熱議 用行內術語狂鬧網友搲晒頭唔明「雞腳」

的士司機呻凌晨接短途客 惹網民熱議

最近，在「的士司機資訊網」中有的士司機就大呻凌晨時份於機場排隊等客，出現大量短途車，完全無錢賺，更指自己接到一單由機場往東涌的短途車大感不滿，直言：「住東涌學咩人坐的士？」「機場去東涌就行路啦」。不少網民不屑的士司機經常性揀客，憑甚麼態度如此惡劣，難怪的士行業會漸漸沒落，更不解究竟要乘客如何配合才會稱心如意，因而引起熱議。

「其實真心想知啲的士想去邊度呢 ?」

「長嘅佢又嫌長 短嘅佢又嫌短 」

「的士就係乜嘢客都要做，咁樣嘅話咁不如唔好做啦」

「過海唔去，新界唔去，輪椅唔做，寵物唔接，大肚唔接，BB車唔做，醉酒客唔車， 病嘅唔載！」

「下次喺機場坐的士去亞博館先」

「唔好話東涌啊屯門佢都嫌棄啊」

「的士佬不如叫運輸署改例，機場上車最低消費$300 」

網友指的士司機專拒載老人家

有網友更分享幾年前，媽媽因行動不便，坐短約30元的士路程返屋企，都被士司機用粗口問候，坐至半路更被趕了下車，只好慢慢行返回去，不敢再截的士，認真離譜。不少網民亦有相似經歷，說的士司機專欺善怕惡，專欺負老人家。其中一位網民指自己婆婆以前坐輪椅去覆診，坐的士時，屋企人已經負責擺輪椅去車尾箱，沒有勞煩司機幫忙，但上到車依然很多怨言，指他們麻煩，浪費時間，十分沒同情心！

的士司機術語嘲客

帖文中更包括大量司機術語，例如大量「雞腳」和「短棍」等等字眼，令網民相當好奇當中含意，以下幾個常見的士行內術語，可以留意一下。

• 雞腳＝無肉食
• 短棍= 短途車
• 仇家＝即不認識的司機
• A貨＝85折
• 單腳=單程隧道費
• 咬飯/難哽=行紅隧
• 碌街＝在街上等街客截車
• 加油=開飯(去食飯)