小五生被同學欺負令家長怒報《東張》 校方揭另一版本 網民：家長有問題
小五生被同學連環欺負 投訴一星期後校方竟當無事發生
陳同學於訪問中表示「我覺得好唔開心，我唔明白點解老師要咁講大話去呃我」，事情發生於2022年，當時陳同學在學校內遭到兩名同學的欺負，其中一個更為風紀。這些欺負行為包括言語上的侮辱，以及一些肢體上的不友好行為。爸爸憶述指，我小朋友坐在最前，他教旁邊的同學做功課，在他後面有個同學說「你抄人功課」！然後有一個風紀比較高大的，他就坐在最後，他就和應那個同學指我小朋友抄別人功課。而另一次則是該名風紀同學作出過份行為，「小息嗰陣，我小朋友就打乒乓球，他無端端拎我小朋友乒乓球扔咗佢，然後就叫我小朋友自己去執返」。
陳同學嘗試向校方求助，希望能夠解決這個問題，校方在經過調查後確認了這些欺凌行為，並採取了相應的處罰措施，其中一名涉事同學更被罷免了他的風紀職務。校方當初告訴陳同學的家長，這名同學已經「革扯」了風紀職務，並暫停了相關職務。然而，令陳同學大為失望的是，只過了短短一個星期左右，他竟然目睹該名同學參加了風紀會，似乎沒有受到實質性的處分。這一情況讓陳同學感到極度沮喪，稱：「我真係好唔明白點解會咁，我覺得好唔開心，我唔明白點解老師要咁講大話去呃我」。
校方前後說法不一 爸爸：個仔大受打擊
後來家長再向學校了解事件，但校方當時回應指，當時只是提到暫停了該名同學的風紀職務，並未使用「革扯」或罷免等詞語。校方的說法令家長和兒子十分不滿，「但係一開始唔係咁講，由話他已經無再做風紀，變成暫時無做」，事件更令兒子大受打擊不肯再上學，連爸爸都勸他不動。爸爸續指本來兒子很喜歡那名老師，曾在自己面前大讚該名老師「好到不得了」，但如今老師推翻自己的說法，認為是「連番大話」，令他很失望，甚至休學到現在。「他好唔開心，因為佢話返到學校見到呢位老師，曾經講大話傷過佢嘅老師，佢話唔想返學」。
兒子低年級時同樣曾被欺凌 家長：校方點解唔做好啲？
爸爸亦提到兒子在更低年班的時候已經試過被其他同學欺凌，而學校對事件亦知情，「試過有一次有個同學用筆畫佢件衫、用腳踩我小朋友隻腳、試過用門夾他、試過好近距離用沒踢向佢腳，令我個仔要睇鐵打」。爸爸指，其實當時我都向校方求助過，當時有開會，校方也有解釋過，但不明白學校為何不做好一些防禦的措施。而事件更令兒子一直休學，但同時又不願轉校重新適應新環境，希望校方可向他們道歉。
網民：家長唔識教仔
影片出街後惹來網民熱議，指家長小題大造，「細嘅唔識解決，但你作為一個成年人，佢嘅爸爸，點解你唔同佢退學呢？要佢一次又一次受傷害，而家去到呢個地步，心靈受創之餘，仲要搞到影響學業，受害者蝕晒底，衰嘅繼續開開心心升學，值得嗎？應該俾多啲正面嘅想法同埋活動小朋友，帶佢走出陰霾，唔好陪佢一齊逃避，比佢知道呢個世界壞人同唔公平嘅事的確有好多，社會現實真係咁樣，但我哋就要學識點樣去堅強，學習點樣去保護自己」、「其實小朋友要自強， 唔可以成為唔返學嘅藉口。家長太寵壞兒子。 冇理由要去信教育局投訴學校 。學校點會為你而開除一個風紀，更何況一件小事。要老師向你道歉？」
「個家長不懂教小朋友處理問題，仲可以比他停學一年。將來點出來社會工作」、「我同情小朋友，但好多惡霸欺善怕惡。你唔識反抗，將自己講到幾慘幾慘，佢哋只會愈來愈過份」、「其實我覺得個家長都好大責任囉，依啲小拗撬一定有，我又唔覺得有好大嘅欺凌成份，以小學生嘅角度抄功課係straight no，我覺得應該係嗰個靚仔正義風紀上身，但用錯方法。但係呢個怪獸家長真係危險，佢培育咗一個玻璃心到極致嘅小朋友出嚟」、「可以幫個仔伸張正義，又可以近接受《東張》女主持採訪，個爹哋真係用心良苦」。
不過亦有人指「咁多年嚟香港老師對付校園欺凌都係以隻眼開隻眼閉形式處理。一方面唔想搞大件事，另一方面只係治標方法處理。特別係當欺凌者品學兼優（通常指成績好），校方會比較多會從寬處理，希望日後佢拿到較佳成續，增加學校知名度。呢個係一個香港社會嘅宿影，有少少優生學嘅概念。香港教育從來無進步過」。
校方回應：經學校查明後與事實不符
而校方的回應，則指「他們對那位同學的懲罰，是暫停該封記職務進行反思及輔導，由於涉事同學後來在品行和學業上都有良好表現，所以一個月之後就決定讓他復職」。事後，家長投訴到教育局，獲得的回覆是「對方認咗有用『革扯』呢兩個字」，但由於局方不可以叫學校做甚麼，只可以勸喻學校將來如果有這些事發生可能要做得好些，或者和家長溝通得好些。不過家長認為學校只是承認言語上可能有些誤會或者做得不太好，令雙方產生誤會，但從來都沒有任何一句道歉。
節目播放後，校方亦有發出聲明，指在報導中提及在一至三年級發生的所謂「欺凌事件」，經學校查明後，亦與事實不符。該名家長從2018年起入讀本校，已投訴過本校6名教師及1名教學助理。事件曾投訴至教育人員專業操守議會，經了解後，有關投訴不成立，議會最後沒有立案跟進。學校知悉家長十分愛錫小朋友。對於有關投訴，學校一直認真處理，嚴肅跟進，並已申報教育局。由事件發生至今，時間超過一年多，惜該名同學一直沒有上學，嚴重影響其學業及社交發展，對此，學校非常關注。
