港女不忿愛上教主被圍攻 逼男友出街帶「撈撈」 網民：慘過單身
廣告
MIRROR的粉絲忠誠程度相信一眾港人都無可置疑，不時在街處都會看到他們各自的粉絲隨身帶著迷你版的偶像出街打卡，如同真人外出一樣，陪感開心。而近日，Facebook群組「好Fashion呀你」有一帖文引來逾500人討論，帖文中提到「其實鐘意Anson Lo有咩問題？我同我男朋友點相處都係我地嘅事，點解帶住Lolo周圍出街影相都要畀人公審」，疑似有港女因要男朋友帶住「撈撈」出街而備受爭議。而帖文下的留言亦相當精彩，指「睇到啲字都燥」、「好快變P圖大會」。
港女逼男朋友每次出街都要帶「撈撈」 被圍攻即反駁：我叫佢做咩就做咩！
事緣有港女在Facebook群組「好Fashion呀你」開文，指自己喜歡Anson Lo，認為身邊的男朋友真心愛自己，所以都很支持她追星。她在文中道：「我哋成日出街都會帶住啲Lolo公仔，我叫佢擺喺隻公仔塊面度影都仲得啦！我叫佢做咩就做咩，關你哋L事？我條佬都未出聲⋯你有資格講咩？香港人真係好多事⋯⋯」。而帖文中更附上一張照片，相片可見一名男生雙手揸緊「撈撈」大頭公仔遮擋自己的容貌，站於電影宣傳牌旁影相打卡。
網民：睇到字都燥底！
有網民看到樓主的分享後，紛紛留言指「鍾意得anson lo 都係神神地」、「睇到啲字都燥底」、「佢打咁多字，當條仔好似隻狗咁」、「係囉~ 自己P個anson LO上去咪咩都唔洗搞，又唔會比人cap圖笑」、「你自己擺上公開group就唔好話人哋多事，所以算喇，不如po返去AL/鏡 group圍爐仲好」、「其實鍾意邊個無問題，對耳低無問題、塊面膠無問題、個鼻痴上去無問題、笑起嚟無曬表情無問題、唔理兄弟半身癱瘓照搵真銀無問題、非曲我真係覺得無問題，問題係我哋講嘢又話要X曬我哋全部，我覺得好矛盾」、「從文字中見唔到佢有尊重男性」、「你係咪以為自己帶個anson人形公仔出街」、「隔住個公仔頭都FEEL到佢（男朋友）唔願意」。
網民翻出驚人言論：做你男朋友真係慘過單身
然而，網民為了拆穿事主真面目，在網上翻出其驚人言論，認為「做你男朋友真係慘過成世單身」。網民在留言區展示截圖，指事主曾發出一討論，稱「有無人男朋友顏值唔係好高？有時望多陣都想嘔」。當時帖文吸引200人討論，同時被指「好唔尊重個男朋友」，再加上今次事主的「撈撈圖」，網民稱「睇字已經聞到陣臭X味」、「呢啲人我真係會大把大把煎埋去」。
圖片來源：Instagram@ansonlht、Facebook@好Fashion呀你
