港人嘲「揸親TESLA都智商歸零」　車主不懂關車頭冚被網民串爆：影衰品牌！

Jan 11 2024

電動車越來越普及，香港常見的電動車都是TESLA為主，就連Elon Musk的媽媽來港都被震撼到。早期「揸TESLA」就有種富豪的象徵，隨時車價越來越多人負擔得到，其「世一」地位似乎稍為下降，但就被評為「揸得TESLA，智商歸零」之冠，事關網上有不少車CAM片段都拍下了TESLA車主的蝦碌行為。而近日，TESLA車主又有一傑作被瘋傳，事關對方竟拍片在網上問大家「點樣閂車頭冚」，令人哭笑不得，惹來熱議。

TESLA司機求問「車頭冚點樣閂」　網民：真係智商歸零

帖主在Facebook群組「Tesla Model S Owner HK 不收費」中貼上自己的愛驅照片，並留言問大家「請教各位師兄按了開啟頭冚然後唔知點樣還原。唔該賜教」。而在相中可見，車頭冚顯示了「開啟」，但沒有「關閉」的字眼，相信車主因此而感到困惑。

tesla 智商 — （圖片來源：Facebook@Tesla Model S Owner HK 不收費）

照片旋即引來逾500討論，有留言嘲笑車主指「呢個post係試探緊有幾多理性熱心人喺個Group度」、「笑L咗，睇吓醫生全身檢查，同醫生講，最緊要檢查吓個腦，有病早啲醫」、「諗住電動車就咩都自動？用吓個腦先啦」、「你真係唔好揸車啦」、「錢真係買唔到常識同智力」、「你真係影衰哂呢個牌子」。

網民教TESLA車頭冚關上方法：開門落車係第一步

而有網民好心回覆，指開門落車為第一步。「行去車頭，用手撳返車頭冚落去」、「打開車門，行落車，去車頭面前用手陰力撳返頭冚落去」、「若要防止損壞：僅對圖示綠色區域施力。對紅色區域施力會導致損壞。請勿用一隻手關閉頭冚。這樣會對某一區域集中施力，會產生凹痕或折痕。請勿對頭冚前部邊緣用力。否則會令邊緣產生摺痕。請勿大力關閉或降低頭冚」。然而，這個回覆又引來熱議，網民留言指「紙紮㗎？單手閂頭冚會產生摺痕」。而帖主本人獲解答後，即回一句「多謝賜教」然後就秒收聲。

另一智商歸零行為網民眼火爆：難怪成日畀對車頭燈刺盲眼！

除了如何關上車頭冚外，網民從照片中發現另一重點，罵得更厲害！事關不少人都留意到照片中的「外部燈」（即車頭燈），帖主選擇了自動高燈，然而網民留言指「auto 高燈真係好癲，射到眼都痛」、「最慘係你喺後面閃佢燈佢特登收後喺你後面長開高燈..完全都唔知發生咩事」、「啲Teslun車頭燈咁X刺眼就係因為開咗自動高燈？X佢老X，夜晚畀佢哋射到眼都盲」、「喺香港就算自動高燈都唔使100%亮度啦，邊度嘅街燈唔夠光先得㗎？！」、「撳返呢個啦！最煩係你哋有時一隻眼高！一隻眼低！」、「買Tesla前，應該要驗一驗智商先，同埋唔該熄左個自動高燈先」。