究竟讀緊乜｜ERROR 4子赴台大學上佛藝系 肥仔露肉搶鏡
究竟讀緊乜｜ERROR扮《西遊記》角色取經 3大必睇位被指無得輸！
ERROR前往台北「最高」學府 — 華梵大學，入讀佛教藝術學系（簡稱「佛藝系」），為此悉心打扮，各自扮演成《西遊記》的經典角色，保錡扮孫悟空、193扮唐僧、Dee Gor扮沙僧、肥仔則扮豬八戒。4人前往華梵大學「取經」，會合了有「司徒髮帶」之稱的老師。而ERROR 4子亦分為兩隊，肥仔和DEE GOR學畫佛畫；193和保錡則學整金工。
第一大必睇位｜肥仔真空上陣
ERROR一出場，網民已表示「笑死人」，事關4人的造型相當搶眼，其中肥仔扮演豬八戒更惹來熱議。討論區上網民都研究「係用假肌肉定係佢真身」，認為比黎耀祥扮的豬八戒更為神似。「193喺節目出街前都話要留意肥仔個胸，下垂嘅」、「笑死，佢真空上陣，好癲」、「開頭以為係道具，望望吓先知原來無真」、「真係太大了肥仔」。
而在節目中，肥仔學畫佛畫時，就連老師都「頂唔順」。學系主任兼佛畫課導師提醒2人：「要把心平靜下來，才有辦法畫好的畫」，Dee Gor即指「我師兄好難平靜⋯⋯」，老師插口指「我覺得他會畫裸女」，此時肥仔和Dee Gor即起哄，指「我以為我造型很易令人分心，老師你不心靜，怎樣教我們啦」，老師即指「我們不要看他」，場面搞笑。
第二大必睇位｜畫觀音像變自畫像
到畫觀音像時，Dee Gor第一筆已把觀音像畫得如外國人般，令全場爆笑，老師都忍不住偷笑指「剛入門來說，算是不錯了」。後來肥仔的畫功更得到老師得讚賞，指「他畫得很不錯」。不過Dee Gor就認為「你個觀音畫得有啲奸，唔係喎，講講吓有啲似你（肥仔）個樣」，老師即表示其實每個人心中都有一個觀音，畫出來像自己也不意外。
而Dee Gor的觀音像更越畫越黑，不過老師指「也很像你」，令Dee Gor當場否認，指「你又說好又說不好，到底好不好」。
第三大必睇位｜193講「港普」
至於193和保錡，2人到大學學習金工，193揚言要造金剛箍給保錡。而網民看這部分時，都把重點放在193的「港普口音」上，指「無字幕真係搞唔掂」、「聽佢講港普笑死，完全唔知佢講咩」、「193普通話變賣點，保錡仲好過佢」。
網民：資訊性節目零悶場，ERROR先做到
而最令網民驚喜的是，今次節目應是偏向資訊性，但經由4子「化腐朽為神奇」下，變成搞笑節目。「完全零悶場，真係佢哋先做到」、「認真畫觀音會悶到癲，肥仔同Dee Gor先可以咁搞笑」、「期待咗好耐，ERROR終於合體拍節目，好正」。
