東張西望｜52歲已婚婦愛上已婚男　同居後始發現惡夢開始　節目求救都無用

52歲已婚婦戀上已婚金毛男　以為找到真愛豈料是惡夢開始

52歲Phoebe為一名髮型師，而阿東則是客人，由07年開始阿東就到髮型屋剪頭髮，當時二人各有家庭，但卻互相產生了感情，直到08年正式一起。Phoebe指當初對男方有意思，但一直不敢表露出來，後來男方向她表白，指「佢話對老婆無感情，我對老公又無感情，終於就一齊咗，起初個印象好好」。

直到後來男方登堂入室，到了她的髮型屋做髮型師，更發展到同居關係。原本以為好甜蜜，但現時卻變到「好驚啊，晚晚瞓唔到，提心吊膽，好驚佢邊晚會打我」。事關有一次二人吃完晚飯後，Phoebe在路上遇見了一名男客人，2人「隨便講咗幾句」，回到家阿東即變臉。「佢話我唔鍾意你同男人講嘢，佢哋個個都係鹹濕佬，想嚟溝女人，唔可以同男人講嘢」，二人隨即發生口角，阿東更大聲爆粗狂鬧，指「我識到你呢個女人真係神經病，你去死啦」，然後Phoebe就被阿東拳打腳踢。「佢一手的起我對腳，吊起我成個人，扯我件衫，扯心口，好大力推我落牆同推落床。試過用被焗住我，用腳踩我個頭」。

被打到口腫面腫，甚至第二日返唔到工，阿東動手後又旋即表示後悔，道歉講對唔住，更指「我都係太緊張你，我對你好好，你咁對我」。而Phoebe亦一時心軟而原諒對方。但由這次起，二人每次發生口角，阿東都會大打出手，而Phoebe亦有報警，但阿東即求饒，指報警會被拉去坐監，二人以後會分開，但Phoebe亦狠下心腸，把他送入監獄。

以為惡夢完結，但阿東出獄後又再重返髮型屋找她，並向她表示「我離唔開你㗎，我哋係天注定一齊，坐完出嚟又點」。Phoebe感到心累，懇求對方放過，豈料對方死纏爛打，指「你返大陸囉，我留香港，一係你消失」，但由於Phoebe不願放棄香港建立的生意和原本家庭，因而「焗住與敵同眠」，曾求對方「你放我走啦，我會同人講係你甩我」都無果。Phoebe指自己「真係想死，佢喺我心中係一個魔鬼，我無晒自己，無晒人生樂趣」。

節目組踩上門搵阿東　男方即有另一個版本說法

而《東張》亦到髮型屋找阿東問個明白，起初他看見攝製組時即躲入洗手間，並大叫「打人已經係好耐之前嘅事啦，大家嘈交講吓咋嘛，好正常啦，而家無啦」。而過了一會兒，他又突然走近攝製組，並指另有實情。阿東稱「係佢箍住我喺房，係咁用個頭撞我個頭，成日咁做，我畀佢D鏈介傷」、「大家鬥氣咩說話都講啦，講說話咋嘛，異性講咋嘛，無打過，我都講咗後悔啦，動手係我唔啱，大家一句來一句去，我哋脾氣都差咪嘈交囉，道過歉啦，都已經錫返啦攬返啦」。

有攝製組在場，Phoebe即夠膽出聲，指「我地唔好一齊啦，分開啦，你又唔畀我離開，我唔想挽留啊」，阿東即回應「你唔想挽留還你唔想挽留，我都要講我心聲」。阿東不願分手，Phobeoe又不捨一走了之，大律師陸偉雄就建議向法庭申請禁制令，規定對方不可以在指定範圍內出現，若違反就有機會即時判處入獄。而Phoebe亦指自己已作最壞打算，為了擺脫魔鬼，「就算驚都要做，就算失去幾多嘢我都要咁做」。

網民：根本2個都唔抵幫

網民看到Phoebe的情況後，竟表示不值可憐，認為「根本係自己攞嚟」，指「唔啱又唔離婚，仲整個情夫，人哋坐監仲唔轉工搬屋，係咪嫌人生沉悶得滯」、「自己有家庭有小朋友都唔理，係要分開同個情夫一齊，其實都係自己衰」、「啲人成日話結婚後無感情，出去搵第二個最後先發現原本嗰個係最好」、「要離開就要狠心啲㗎啦，遇著恐怖情人就要用非常手段，繼續纏繞落去受傷都係自己」、「2個新港人有家庭仲咁做，根本都唔抵幫」。亦有網民指阿東根本是一名「食慣軟飯」的男人，「你有舖有錢，佢點會畀你走」、「睇個男人樣都係無錢又唔想做嘢，知晒你身家就緊係捉住唔放，咁大條水魚」、「對恐怖情人分手要狠，佢每次纏繞你，你一定要報警，唔好怕事。 過咗幾多年都好，唔好信佢改過自新，唔可以做朋友，唔好心軟」、「上東張咪仲衰，畀人打多幾錢重，個女人如果真係想離開佢，首先就唔好喺間髮型舖度做先啦，喺度困獸鬥」。