九巴增設1,000個關愛座籲港人「多D包容」　專頁即被洗版：嫌唔夠多爭拗？

Nov 12 2023

關愛座的問題常備受熱議，坊間常有讓座問題因而發生，令不少人揚言「直接取消佢啦」。不過在九巴刊物《今日九巴》的10月期刊中，意外發現九巴對於關愛座的最新舉動，不但增設共1,000個關愛座，更新增了識別的標誌。而在九巴Facebook專頁中，亦有出Post指「只要有需要，關愛座任何人都坐得」，但就惹來200幾名網民紛紛留言，稱「增加批鬥座只會令人更唔讓座」，表示不解！

九巴新增1000個關愛座呼籲「市民多啲關愛，多啲包容」

九巴10月出版的刊物《今日九巴》中提到公司新設的服務，當中包括「加強推廣關懷乘客的文化」。九巴指會將為現役500部巴士增設多2張關愛座，涉及1,000個座位；而新增的關愛座將會於頭枕和座椅旁的車身旁板貼上「關愛座」貼紙，並貼上寫有「你也可以讓座」的標語。而相關巴士集中選擇在行走長者使用量高的路線，希望能更精準地服務受惠對象。這些獲增設關愛座的巴士車頭會貼上「關愛座 ×6 」的標誌，供乘客識別。

網民唔撐！　留言反對：根本係要取消！

網民看到消息後，紛紛熱烈討論，並到九巴Facebook專頁留言反對，指「調轉頭嘅意思係2蚊客有更多選擇而且買一送一，畀全費乘客只可以上上層或企，想坐下層便唔得」、「真係有社會責任嘅就帶頭取消關愛座先」、「全部座位都改為關愛座就解決到問題」、「等睇越嚟越多爭拗出現，唔係老人家就以後無運行」、「關愛座是無用設施，畀錢搭車有空位都驚坐落去」、「功能：唔讓座就被人拍片上網；對象：非長者/年長嘅人」、「加多兩個有用咩，班兩蚊大帝都唔會坐，但佢哋又會鬧其他人坐關愛座」、「男女老幼都坐得點解要設關愛座，莫非有啲位唔係俾人坐嘅？」、「嫌而家D嘈得唔夠多？後生仔唔攰㗎？」。